U čas demantaža dachu ŭ Hrodna budaŭniki znajšli palaŭničuju strelbu z patronami, jakaja była zahornuta ŭ niamiecki ściah sa svastykaj. Ab znachodcy budaŭniki adrazu paviedamili ŭ milicyju.
«Rasčyščajučy paddašša budaŭniki vyjavili skrutak, zahornuty ŭ hazietu «Praŭda», datavanuju kastryčnikam 1944 hoda, — raspaviadaje načalnik kryminalnaha vyšuku Leninskaha RAUS Vital Zieziulevič. — Tam u niamieckim ściahu była razabranaja dvustvolnaja palaŭničaja strelba, małakalibierny pistalet, tak zvany «Monte-Krysta», i 125 patronaŭ roznaha kalibru da ružža i pistaleta».
Nachodku adpravili na ekśpiertyzu va ŭpraŭleńnie Dziaržaŭnaha kamiteta sudovych ekśpiertyz pa Hrodzienskaj vobłaści.
Kamientary