Palak za rulom Opel Zafira prataraniŭ bramu na miažy i na vialikaj chutkaści pajechaŭ dalej u Biełaruś. Jaho zatrymali biełaruskija pahraničniki kala 500 m ad miažy, raskazała Katažyna Zdanovič z pres-słužby Padlašskaha adździaleńnia Polskaj pamiežnaj słužby.
Zdareńnie adbyłosia 15 maja. Kala 19.00 polskaha času ŭ vakolicy miastečka Jałoŭka kamiery polskich pamiežnikaŭ zafiksavali aŭto, jakoje prataraniła zakrytuju bramu na vyjeździe z Polščy. Heta ŭčastak miažy niepadaloku ad Biełaviežskaj puščy, daroha, pierasiečanaja miažoj, dalej idzie ŭ kirunku rajcentra Śvisłač.
Mužčyna prajechaŭ uzdoŭž miažy kala 10 km, ale nie addalaŭsia ad jaje bolš čym na 500 m. Pa infarmacyi biełaruskich pamiežnikaŭ, u zatrymanaha mužčyny nie było pry sabie nijakich dakumientaŭ, jon byŭ pjany. Vyrazna rastłumačyć svoj učynak jon nie zmoh
Ciapier čytajuć
U Maładziečnie ŭ pustym vahonie znajšli 27-hadovaha amierykanca, jaki nielehalna trapiŭ u Biełaruś2
Kamientary