Žychary Barysava, jakija pratestujuć suprać budaŭnictva chrama ŭ lesaparku, zapisali VIDEAZVAROT
Žychary mikrarajona Vatucina ŭ Barysavie praciahvajuć zmahacca za svaju zialonuju zonu, vystupajučy suprać pabudovy chramavaha kompleksu. Akramia taho, jany ličać, što «lubaja budoŭla na miescy łandšaftna-rekreacyjnaj zony niezakonnaja». U piatnicu, 1 červienia, pratestujučyja znoŭ sabralisia ŭ skviery, na hety raz kab zapisać svoj zvarot da miascovych uład i ŚMI.
U svaim pasłańni žychary mikrarajona zaklikajuć ułady horada całkam admianić budaŭnictva chramavaha kompleksu i ŭładkavać tut zonu dla adpačynku hramadzian. Barysaŭčanie vykazvajuć nadzieju, što ich słovy buduć pačutyja. Jany taksama vykazvajuć svaju hatoŭnaść ŭ dapamozie pa ŭładkavańni parku i padtrymańni paradku na jaho terytoryi.
- Parkaŭ ŭ horadzie katastrafična brakuje, ludziam niama dzie adpačyć. Ličym, što dadzienaja zabudova adbyvajecca niezakonna. Nie było nijakich hramadskich abmierkavańniaŭ, chacia ŭžo prajšła pracedura adčužeńnia terytoryi ŭ karyść Barysaŭskaj eparchii, byli vydadzieny ŭžo prajekty, abjekt nie prachodziŭ abaviazkovuju ekałahičnuju ekśpiertyzu, — havorycca ŭ videazvarocie barysaŭčan. — My vystupajem nie suprać carkvy jak takoj, my vystupajem naohuł suprać luboj zabudovy dadzienaj terytoryi, nie pryznačanaj dla adpačynku hramadzian. Nam patrebna zona adpačynku. My chočam tut skvier ź placoŭkaj, vieładarožkaj — z usioj infrastrukturaj, źviazanaj niepasredna z dostupam i adpačynkam hramadzian. My hatovyja pry sadziejničańni ŭładaŭ vyjści na subotnik i dapamahčy ŭ dobraŭparadkavańni dadzienaj terytoryi. My vielmi spadziajemsia, što miascovaja ŭłada nas pačuje i vyjdzie, narešcie, z nami na dyjałoh, i zrazumieje čaho my, u pieršuju čarhu žychary hetaha mikrarajona, chočam.
-
Pačobut nie staŭ razmaŭlać z šaściorkami — ni z Pratasievičam, ni z Vaskrasienskim
-
Vaskrasienski: Azotnyja ŭhnajeńni i sankcyi ŭ adnosinach fiz– i jurasobaŭ — i 1135 palitviaźniaŭ buduć u Vilni
-
«Pryvieźli maju žonku i skazali, što jaje buduć katavać». Para z Ukrainy raskazała žachlivuju historyju pieraśledu ŭ Biełarusi
Kamientary