Скандал у Курапатах: колішняя тэлевядучая БТ і яе муж-бізнэсмен наехалі на аўто на двух пікетоўцаў
Грамадскія актывісты працягваюць пікетаванне рэстарана «Паедзем паядзім» у Курапатах.
Акцыя 13 чэрвеня была азмрочана інцыдэнтам — аўтамабіль «Мазда» з расійскімі нумарамі наехаў на двух удзельнікаў пратэстаў, Яўгена Батуру і Васіля (прозвішча невядома).
Актывісты сталі на шляху машыны, але кіроўца паехаў проста на іх і пракаціў на капоце. Адзначым, што ўсё гэта адбылося на вачах супрацоўнікаў ДАІ.
Як высветліла «Наша Ніва», у «Маздзе» былі тэлевядучая БТ Стэла Чыркова і яе муж Іван Ермакоў.
Прычым Ермакоў ужо не першы раз прыязджае ў Курапаты, ён спрабаваў арганізаваць «дыскусію» з актывістамі і раней.
І Стэла Чыркова, і Іван Ермакоў пераехалі ў Беларусь з Расіі ў 2009 годзе. Стэла (сапраўднае імя — Алена) вяла праграму «Ды@блог аб літаратуры» на беларускамоўным тэлеканале «Беларусь-3», прычым вяла яе па-руску.
Апроч таго, Чыркова — прадстаўніца кампаніі «Мамут» у Беларусі. Гэта нідэрландская кампанія, якая спецыялізуецца на транспарціроўцы грузаў. Муж таксама займаецца лагістыкай.
За наезд на пешаходаў ДАІ звычайна адбіраюць у кіроўцы правы. У той жа час пешаходы могуць быць аштрафаваныя за знаходжанне на праезнай частцы.
Чытайце таксама: БТ адхрысцілася ад Стэлы Чырковай: «Яна нядоўга працавала пазаштатнікам і па дамове»
Чытайце таксама: «Чаму расcтрэлы ў Курапатах валяць на НКВД? Можа, гэта нацысты?» — Іван Ермакоў распавёў пра свае камуністычныя погляды і наезд на актывістаў
-
Брытанія 25 гадоў не можа дэпартаваць беларуса — той хлусіць беларускім уладам, што ён не свой. І яны не забіраюць яго дадому
-
Вывучыў восем моваў, ажаніўся і стаў доктарам у Барысаве — гісторыя медыка з Туркменістана
-
Міністр абароны Літвы пра ліст Зяленскага: Наіўна чакаць, што Пуцін проста возьме і адступіць
Каментары