U lesie kala vioski Čyrvonaja Buda ŭ Dobruskim rajonie vyjavili niesankcyjanavany mohilnik bujnoj rahataj žyvioły. Jak vyśvietlili ŭ Kamitecie dziaržaŭnaha kantrolu Homielskaj vobłaści, u haspadarcy nia tolki schavali masavy padziež žyvioły, ale i zajmalisia prypiskami. Pra heta, jak piša Radyjo Svaboda, paviedamiŭ telekanał ANT.
Nielehalny mohilnik vyjavili dziakujučy miascovym žycharam, jakija paskardzilisia na mocny smurod.
Cieły žyviolin zhnić nie paśpieli, a značyć, ich zakopvali niadaŭna. Ź jakoj pryčyny pamierli karovy, ciapier vyśviatlaje ekspertyza. Kiraŭnictva sielhaspradpryjemstva «Čyrvonaja Buda» śćviardžaje, što nia viedała pra toje, što zdaryłasia.
«Ja nia maju prava chavać. Nu, ja nie mahu rastłumačyć, jak heta adbyłosia. Bryhadzir biez majho viedama heta ŭsio zrabiła», — zajaviła žurnalistam hałoŭny veterynarny lekar pradpryjemstva «Čyrvonaja Buda» Alena Sivakova.
Padčas pravierki kantralory vyjavili, što ŭ haspadarcy nie chapaje bolš za 200 hałoŭ žyvioły. Pakolki ŭ niesankcyjanavanym pachavańni vyjaŭlena ŭsiaho 40 hałoŭ, kudy dzielisia jašče 160, pakul nieviadoma. Terytoryju buduć abśledavać jašče raz.
Taksama vyśvietliłasia, što kiraŭnictva zajmałasia prypiskami, zavyšajučy pakaźniki: prybaŭleńniaŭ žyvioły ŭ vazie amal na 800 ton, nadojaŭ — jašče na 500.
Papiarednie strat naličyli na 240 tysiač rubloŭ. Pad śledztvam ciapier znachodziacca bryhadzir, hałoŭny zaatechnik, veterynarny lekar i buchhaltar haspadarki. Dyrektar pakul u statusie śviedki.
Ciapier čytajuć
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ5
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii3434
Kamientary