25 žniŭnia ŭ parku-skviery la haścinicy «Biełaruś» projdzie čarhovy muzyčna-piŭny fiestyval «Chmialnoŭ». U kancy krasavika ŭ internecie źjavilisia papiarednija afiški mierapryjemstva, dzie siarod haściej značylisia hurty «Lube» i «Krambambula».
Tady lidar «Krambambuli» Lavon Volski ŭ kamientary «NN» skazaŭ, što nie vystupić z «Lube» na adnoj scenie. «Nu što vy havorycie, jaki kancert razam z «Lube»? Nu chiba heta mahčyma? Jak źjaviłasia rekłama, hetak i źniknie», — adznačyŭ tady Volski.
U «Jeŭraopcie», čyjoj handlovaj markaj źjaŭlajecca «Chmialnoŭ», nam tady skazali, što śpis udzielnikaŭ nie kančatkovy.
Ciapier źjavilisia novyja afišy. Z starych udzielnikaŭ zastałasia tolki «Krambambula». Zamiest «Lube» chedłajnieram fiestyvalu stanie hurt «Mašina vriemieni» Andreja Makareviča.
Makarevič — maje biełaruskaje pachodžańnie, jon navat zapisaŭ pieśniu pa-biełarusku. Z pačatku akupacyi Kryma Makarevič zaniaŭ nieprymalnuju pazicyju adnosna dziejańniaŭ rasijskich uładaŭ, za što padviarhaŭsia ckavańniu.
Jašče adna zamiena fiestyvalu: hurt «Drazdy» zamianili na biełaruskamoŭnuju «Kramu».
Ciapier čytajuć
Biedny, rasčaravany — asabliva ŭ rodnych — i nikomu niepatrebny. Zły dziońnik Baradulina dazvalaje zazirnuć unutr hienija23
Kamientary