Siońnia ŭ Pałacy niezaležnaści prymali kiraŭnika Astrachanskaj vobłaści Rasii Ihara Babuškina. Siarod inšaha, Łukašenka prapanavaŭ čynoŭniku razhledzieć pytańnie pracy ŭ rasijskim rehijonie bujnoha biełaruskaha małočnaha pradpryjemstva.
Pa tradycyi Alaksandr Łukašenka prapanoŭvaŭ usio, što tolki možna. Akramia sielhastechniki i liftaŭ, jon zakranuŭ pytańnie pracy ŭ Astrachanskaj vobłaści pradpryjemstva «Babulina krynka».
Jon choča, kab u rasijskim rehijonie byŭ stvorany małakapierapracoŭčy zavod dla «Babulinaj krynki». Adnak jaho, pa słovach Łukašenki, maje pabudavać nie biełaruski bok, a rasijski inviestar.
«Kali ŭ vas pa-raniejšamu budzie intares da hetaha, skažycie, jaki inviestar z vašaha boku budzie. My hatovyja pracavać, i «Babulina krynka» paćviardžaje heta imknieńnie», — skazaŭ Łukašenka.
Kamientary
a «Babulina krynka» pra heta viedaje?