Padčas vizitu na Aršanski avijaramontny zavod Alaksandr Łukašenka źviarnuŭ uvahu i na nasieleny punkt Bałbasava, dzie raźmieščana pradpryjemstva, paviedamlaje pres-słužba prezidenta.
Łukašenka zapatrabavaŭ da 7 listapada zaviaršyć raboty pa dobraŭparadkavańni hetaha nasielenaha punkta, nadać uvahu stvareńniu novych pracoŭnych miescaŭ, raźvićciu sacyjalnaj infrastruktury.
«Čamu ja čaplajusia za Barań i Bałbasava (nasielenyja punkty ŭ Aršanskim rajonie) - heta šykoŭnaje miesca, lepš nie prydumaješ dla žyćcia. Čamu tut ludziam nie žyć? Jany buduć tut žyć, kali budzie praca. Pracu treba im dać. Tolki naša biazładnaść nie dazvolić zahruzić tut ludziej», — padkreśliŭ jon.
Što tyčycca kankretna Bałbasava, Łukašenka daručyŭ pradstavić jamu płan raźvićcia hetaha nasielenaha punkta pa anałohii z haradskim pasiołkam Kopyś. Kiraŭniku dziaržavy dałažyli, što anałahičnaja praca ŭžo viadziecca, raspracavany płan raźvićcia i dobraŭparadkavańnia Bałbasava.
Ciapier čytajuć
Maksim Znak naviedaŭ śpiektakl «Zekamieron», pastaŭleny pa jahonaj knizie, napisanaj u SIZA4
Kamientary