Stała viadoma, chto napisaŭ zajavu na Słučaka — heta były paplečnik «Havary praŭdu»
Na Ihara Słučaka, viadomaha jak «moŭny inśpiektar», što piša zajavy na ludziej za abrazu biełaruskaj movy, pastupiła anałahičnaja zajava. Jaje aŭtaram staŭ niejki žychar Rečycy. Jon źviarnuŭsia ŭ milicyju i paprasiŭ pakarać Słučaka za parušeńnie zakanadaŭstva ab movach.
Nahodaj staŭ videarolik, zapisany Słučakom i hramadskaj dziajačkaj Alinaj Nahornaj.
Pa infarmacyi «Našaj Nivy», zajavu na Słučaka napisaŭ Dzianis Ściepanienka.
Ściepanienka žyvie ŭ Rečycy, niadaŭna źviarnuŭ na siabie ŭvahu tym, što skardziŭsia ŭ milicyju na miascovyja infarmacyjnyja supołki Ukantakcie. Pa jaho słovach, stamiŭsia ad pastajannych abrazaŭ u svoj adras.
A paśla Ściepanienka paskardziŭsia jašče i ŭ KDB i prakuraturu na milicyjantaŭ, bo tyja nie znajšli składu złačynstva ŭ dziejnaści supołki.
Ściepanienka bałatavaŭsia ŭ miascovyja saviety z dapamohaj «Havary Praŭdu», ale Andrej Dźmitryjeŭ adchryściŭsia ad jaho. Maŭlaŭ, členam «HP» Ściepanienka nikoli nie byŭ, ale, pryznaŭ Dźmitryjeŭ, na vybarach karystaŭsia padtrymkaj arhanizacyi.
Ciapier čytajuć
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2323
Kamientary