Ministerstva pracy i sacyjalnaj abarony vyznačyła prykładny pieralik situacyj, pry jakich «darmajedaŭ», jakija padpadajuć pad dziejańnie dekreta №1, mohuć poŭnaściu abo častkova vyzvalić ad apłaty kamunalnych pasłuh pa 100% taryfie, paviedamlaje «Źviazda».
Situacyi možna ŭmoŭna padzialić na čatyry błoki.
Pieršy — stan zdaroŭja. Naprykład, najaŭnaść u čałavieka zachvorvańnia, jakoje źjaŭlajecca pakazańniem da ŭstanaŭleńnia invalidnaści, ale jana ź niejkich pryčyn pakul što nie aformlena, praciahłaje adnaŭleńnie paśla traŭmy, prachodžańnie kursa lačeńnia i reabilitacyi ad narkazaležnaści.
Druhi błok — nieabchodnaść dohladu dziaciej, starejšych za siem hadoŭ. Naprykład, školnik staić na dyspansiernym uliku z chraničnym zachvorvańniem, navučajecca doma paśla chvaroby.
Treci błok — nieabchodnaść pastajannaha ci časovaha dohladu darosłych niepracazdolnych hramadzian.
Čaćviorty — adsutnaść mahčymaści pracaŭładkavańnia. Tut mohuć być takija abjektyŭnyja pryčyny, jak značnaja addalenaść miesca žycharstva ad orhanaŭ terytaryjalnaj słužby zaniataści, nierehularnaja transpartnaja suviaź, adsutnaść vakansij pa śpiecyjalnaści.
Ciapier čytajuć
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2525
Kamientary