U budučyni ŭ zapisach aktaŭ hramadzianskaha stanu Niamieččyny źjavicca treci varyjant dla ŭkazańnia połu. U sieradu, 15 žniŭnia, urad FRH uchvaliŭ zakonaprajekt ab uviadzieńni mahčymaści dla ŭkazańnia «treciaha połu» pry rehistracyi aktaŭ ab naradžeńni, paviedamlaje DW.
Takim čynam ludzi, jakija nie źjaŭlajucca adnaznačna pradstaŭnikami žanočaha ci mužčynskaha połu, atrymajuć mahčymaść zapisać u adpaviednaj hrafie varyjant «rozny» (niam. «Divers»). Da hetaha času isnavała tolki mahčymaść pakidać hetuju hrafu niezapoŭnienaj, hety varyjant paśla pryniaćcia zakonaprajekta praciahnie isnavać.
Kamientujučy zakonaprajekt, ministr justycyi Hiermanii Kataryna Barlej (Katarina Barley) padkreśliła, što ni adzin čałaviek nie pavinien sutykacca z dyskryminacyjaj praz svaju seksualnuju identyčnaść, i madernizacyja zakona ab hramadzianskim stanie naśpieła ŭžo daŭno. U svaju čarhu ministr pa spravach siamji Francyska Hifiej (Franziska Giffey) adznačyła, što ŭsie ludzi pavinny mieć mahčymaść vyznačać svaju pałavuju identyčnaść i seksualnuju aryjentacyju.
Ciapier čytajuć
Studentka, jakaja ŭciakła ad aryštu ŭ 2020-m, pracuje na krajniaj poŭnačy Narviehii i zrazumieła skandynaŭski recept ščaścia34
Studentka, jakaja ŭciakła ad aryštu ŭ 2020-m, pracuje na krajniaj poŭnačy Narviehii i zrazumieła skandynaŭski recept ščaścia
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier77
Kamientary