Dudy - Iŭje - Lipniški - Trakieli - Hieraniony - Subotniki - Žemysłaŭ.
Chto nie čuŭ poŭnuju ramantyzmu i dramy historyju kachańnia Barbary Radzivił i karala Žyhimonta Aŭhusta!
Jany abviančałasia tajemna. Ceły hod polskija arystakratynie chacieli pryznavać Barbaru, vialikuju kniahiniu litoŭskuju, svajoj karalevaj. Jana pražyła zusim niadoŭha, jość padstavy mierkavać, što jaje atrucili…
Niesuciešny Žyhimont pachavaŭ kachanuju ŭ Vilni, u krypcie Kafiedralnaha kaścioła. Z časam pajšli čutki, što cień Barbary źjaŭlajecca ŭ Niaśvižskim zamku. Tak źjaviłasia lehienda pra Čornuju Pannu Niaśviža.
Praŭda, niama nivodnaha śviedčańnia, što Barbara naviedvała Niaśviž. Jana była rodnaj siastroj Mikałaja Radziviła Rudoha, ich rezidencyja znachodziłasia ŭ Biržach. U maładyja hady kniazioŭna žyła ŭ Vilni. Ale jość u Biełarusi zamak, dzie sapraŭdy žyła Barbara Radzivił, kali była zamužam za adnym z samych bahatych mahnataŭ Vialikaha Kniastva Litoŭskaha…
Tudy i nakirujecca ekskursija, na jakuju zaprašaje ŭsich achvotnych fond «Kraina zamkaŭ».
Pieršy punkt maršruta - kaścioł Naradžeńnia Panny Maryi ŭ vioscy Dudy. Draŭlany chram zachavaŭsia ad 1772 hoda, heta jaskravy pomnik narodnaj architektury.
A za niekalki kiłamietraŭ ad Dudaŭ mieścicca «biełaruski Ijerusalim» - Iŭje.
U hetym nievialikim miastečku jość pravasłaŭny i katalicki chramy, staić tatarskaja miačeć i budynak iudziejskaj sinahohi. A błasłaŭlaje horad Chrystos, jaki vielična ŭzvyšajecca nad Iŭjem.
Praź Lipniški ekskursijny aŭtobus skirujecca ŭ Trakieli, miastečka, dzie staić sanktuaryj Maci Božaj. Na vyhlad 250-hadovy kaścioł nie stvaraje nadzvyčajnaha ŭražańnia, ale ŭ chramie znachodzicca cudatvorny abraz Maci Božaj, da jakoj kožnaje leta ściakajucca tysiačy pilihrymaŭ.
Architektura ž nieahatyčnych kaściołaŭ, Kazimira ŭ Lipniškach i Uładzisłava ŭ Subotnikach, vyklikaje niepadrobnaje zachapleńnie.
Narešcie, Hieraniony, dzie ad 1537 da 1542 žyła lehiendarnaja Barbara Radzivił, zajšoŭšy zamuž za navahrudskaha vajavodu Stanisłava Haštolda.
A paśla śmierci Stanisłava Barbara stała ŭdavoj, i ŭ jaje zakruciŭsia raman z karalevičam Žyhimontam Aŭhustam. Ad staradaŭniaha zamka Haštoldaŭ da našych dzion dajšli adno ruiny, ale zamkavy kaścioł Śviatoha Mikałaja napeŭna jašče pamiataje spoviedzi Barbary.
A skončycca ekskursija ŭ susiednim Žamysłaŭi, dzie zachavaŭsia cudoŭny pałac Umiastoŭskich, kopija karaleŭskaha pałaca ŭ Łazienkach u Varšavie.
Zapisacca ŭ vandroŭku da zamka Barbary Radzivił možna pa telefonach:
(17) 203-69-70
(17) 226-03-02
(29) 682-58-07
(29) 772-77-58
Bolej infarmacyi — na sajcie www.zamak.by.
Fond «Kraina zamkaŭ». UNP 690382807
Kamientary