Tureckaha hubiernatara zvolnili za viełasipiednyja lehinsy ŭ ablipku
Prezident Turcyi zvolniŭ hubiernatara adnoj z uschodnich pravincyj krainy biez paznačeńnia aficyjnaj pryčyny. Niezadoŭha da hetaha čynoŭnik apynuŭsia ŭ centry publičnaj sprečki: palityki aburylisia jaho fotazdymkami i videa ŭ viełaformie, jakija jon rehularna vykładvaŭ u sacsietkach. Jany śćviardžali, što takija pavodziny nie adpaviadajuć statusu hubiernatara.
Z padrabiaznaściami znajomić The Telegraph.
Na minułym tydni prezident Turcyi svaim ukazam adpraviŭ u adstaŭku hubiernatara pravincyi Ardahan Miechmieta Facicha Čyčekli (Mehmet Fatih Çiçekli). Pierad hetym čynoŭnika niekalki miesiacaŭ krytykavali za aktyŭnaść u sacsietkach i zachapleńnie viełasportam.
Čyčekli rehularna publikavaŭ fota i videa ź viełaprabiehaŭ i trenirovak, na jakich byŭ adziety ŭ ščyhulnyja viełasipiednyja lehinsy z łajkry. Mienavita jany i stali hałoŭnaj pryčynaj napadak na jaho z boku inšych palitykaŭ.
Najbolš rezka vykazaŭsia deputat ad Respublikanskaj narodnaj partyi Inan Akhiun Ałp (İnan Akgün Alp). «Hubiernatar u lehinsach? Heta prosta niedapuščalna. Takich hubiernataraŭ treba zdymać z pasadaŭ ci chacia b vydavać im fihavy listok», — zajaviŭ jon. Pavodle deputata, Čyčekli «zabyŭsia na surjoznaść i hodnaść dziaržaŭnaj słužby».
Z krytykaj vystupiŭ i deputat ad kiroŭnaj Partyi spraviadlivaści i raźvićcia Šamil Tajar (Şamil Tayyar). Jon zajaviŭ, što pastajannaje źjaŭleńnie hubiernatara ŭ viełaekipiroŭcy padryvaje aŭtarytet jaho pasady.
«Ni hramadzianie, ni jaho padnačalenyja nie buduć usprymać hubiernatara ŭ lehinsach surjozna. U jaho niama aŭtarytetu», — skazaŭ Tajar.
Jak paviedamlajecca, 49‑hadovy Čyčekli pracuje ŭ sistemie dziaržaŭnaha kiravańnia z 2004 hoda, a hubiernataram Ardahana byŭ pryznačany tolki ŭ studzieni. Z pasady jaho źniali 17 lipienia.
Adnak užo na nastupny dzień u internecie źjaviłasia pietycyja z patrabavańniem viarnuć čynoŭnika na pracu. Jana chutka sabrała amal 10 tysiač podpisaŭ.
Jaje aŭtary śćviardžajuć, što Čyčekli šmat zrabiŭ dla raźvićcia moładzievaha sportu i viełaturyzmu ŭ hornaj pravincyi. Pavodle ich, dziakujučy jaho inicyjatyvam usio bolš maładych ludziej pačali zajmacca sportam.
Sam Čyčekli — zaŭziaty viełasipiedyst. Jon prapanoŭvaŭ arhanizavać u Ardahanie viełafiestyval, a ŭ svaich sacsietkach taksama dzialiŭsia videa z trenirovak pa viesłavańni.
Navinu pra zvalnieńnie hubiernatara niehatyŭna ŭspryniali i ŭ Jeŭropie. Dakładčyk Jeŭraparłamienta pa Turcyi Nača Sančes Amor abvinavaciŭ Inana Akhiuna Ałpa ŭ padtrymcy isłamska-kansiervatyŭnaha paradku dnia.
Sam Čyčekli taksama nie bačyć ničoha dziŭnaha ŭ svaim vybary adzieńnia.
«Heta prosta spartyŭnaje adzieńnie. Časam varta zabycca pra pasady i tytuły i pamiatać, što ty najpierš čałaviek. Sport, jazda na rovary ci viesłavańnie — heta nie niešta drennaje. Naadvarot, hetym varta zajmacca ludziam u lubym uzroście», — skazaŭ jon paśla zvalnieńnia i paabiacaŭ «praciahvać krucić piedali».
Ciapier čytajuć
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje88
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje8
Taćciana Zamiroŭskaja pieršy raz za 11 hadoŭ viarnułasia z ZŠA ŭ Jeŭropu. Mnohija maniery, zvyčki i navat ptuški, jakich my nie prykmiačajem, vyklikali ŭ jaje buru ŭspaminaŭ1010
Kamientary