U Alesia i Alesi Taboličaŭ naradziłasia dzicia
19 vieraśnia ŭ lidara hurta «Znich» Alesia Taboliča i jaho žonki Alesi naradziłasia dačka.
«Naša Niva» pavinšavała Alesia z hetaj padziejaj.
«Ja byŭ u balnicy, kali Alesia naradžała dzicia, ale na samich rodach nie prysutničaŭ», — raskazaŭ małady baćka.
Pieršaje znajomstva z dačkoj u Alesia Taboliča było niečakanym:
«Z pałaty miedsiastra vyviezła takuju katałku ź dziciem. A jano kryčyć.
Ja pytajusia: «A čyjo heta dzicia i čamu jano tak kryčyć?» A miedsiastra adkazvaje: «Čyjo-čyjo? Vaša!»
Imia dačce Aleś i Alesia prydumvajuć zaraz.
«Voś jakraz dumajem, chočam, kab imia dački było suhučnym z našymi imionami. Padbirajem. Mahčyma, Alisa budzie».
Pieršymi Alesia Taboliča pavinšavali muzyki:
«Nie, kaniečnie, Alesia adrazu patelefanavała baćkam, ale mianie adrazu stali vinšavać Chamienki i Vajciuškievičy. Adkul tolki daviedalisia?»
Asabista Alesia možna budzie pavinšavać z naradžeńniem dački siońnia ŭ «Art Siadzibie», dzie Aleś stanie pieršym hościem prajekta «Biełaruskamoŭnyja».
Kamientary