У Алеся і Алесі Таболічаў нарадзілася дзіця
19 верасня ў лідара гурта «Znich» Алеся Таболіча і яго жонкі Алесі нарадзілася дачка.
«Наша Ніва» павіншавала Алеся з гэтай падзеяй.
«Я быў у бальніцы, калі Алеся нараджала дзіця, але на саміх родах не прысутнічаў», — расказаў малады бацька.
Першае знаёмства з дачкой у Алеся Таболіча было нечаканым:
«З палаты медсястра вывезла такую каталку з дзіцем. А яно крычыць.
Я пытаюся: «А чыё гэта дзіця і чаму яно так крычыць?» А медсястра адказвае: «Чыё-чыё? Ваша!»
Імя дачцэ Алесь і Алеся прыдумваюць зараз.
«Вось якраз думаем, хочам, каб імя дачкі было сугучным з нашымі імёнамі. Падбіраем. Магчыма, Аліса будзе».
Першымі Алеся Таболіча павіншавалі музыкі:
«Не, канечне, Алеся адразу патэлефанавала бацькам, але мяне адразу сталі віншаваць Хаменкі і Вайцюшкевічы. Адкуль толькі даведаліся?»
Асабіста Алеся можна будзе павіншаваць з нараджэннем дачкі сёння ў «Арт Сядзібе», дзе Алесь стане першым госцем праекта «Беларускамоўныя».
Хто з палітвязняў выйшаў на свабоду 16 верасня ПОЎНЫ СПІС23
Каментары