Ahnieška Ramašeŭskaja-Huzy: Šyła i nie žurnalist, i šukaŭ zabaronienyja rečyvy praz FB, i nie vykonvaje zahadaŭ

Dyrektar telekanała «Biełsat» Ahnieška Ramašeŭska-Huzy prakamientavała dla BAŽa skandalnaje zvalnieńnie Ivana Šyły, jaki dva hady zajmaŭsia SMM — prasoŭvańniem kantentu ŭ sacyjalnych sietkach. Nahadajem, Ivana zvolnili paśla taho, jak jon pažartavaŭ na svajoj staroncy ŭ Facebook z fotazdymka z kiraŭnikom Polščy Andžejem Dudam.

Ahnieška Ramašeŭskaja-Huzy zaŭvažyła, što zvyčajna kiraŭnictva telekanała nie kamientuje kadravyja rašeńni, ale ŭ suviazi z publičnaściu spravy jana patłumačyć svaju pazicyju:

Pavialičyć

— Rabotniki, jakija pracujuć u sacyjalnych sietkach, pavinny kłapacicca ab dobrym imidžy ŭstanovy. Skandał, jaki zdaryŭsia ŭ suviazi z dopisam Šyły, u vyniku pakazaŭ, što pracaŭnik nie vykonvaje svaich abaviazkaŭ (u hetym my byli pierakananyja ad peŭnaha času i tamu ŭžo šukali kandydata na jaho miesca). A niekatory čas tamu naš niepakoj i sumnievy vyklikali jaho pošuki praz sacsietku zabaronienych rečyvaŭ.

Niepasredny jaho načalnik užo na praciahu peŭnaha času zaŭvažaŭ, što Ivan pravodzić u sacsietkach svaju liniju dy nie zaŭsiody vykonvaje zahady kiraŭnictva.

Što tyčycca apublikavanaha fota, to padčas vizitu Dudy mieła miesca chiba pratakołu, kali ŭ apošni momant sustrečy prezidenty padpisali pahadnieńnie ŭ Avalnym kabiniecie. I pamočniki nie paśpieli prynieści dadatkovyja kresły.

Hety fakt (Što nie dali fatel kiraŭniku Polščy. — Red.) nie maje vialikaha palityčnaha značeńnia, ale šmatkroć vykarystoŭvajecca ŭ čornym pijary ciapierašniaha prezidenta Polščy za miažoj, asabliva na Uschodzie. Byccam by heta paćviardžeńnie tezisa «Polšča słužyć amierykanskamu panu». Heta nie infarmacyja, nie mierkavańnie, kali my kažam mienavita pra svabodu słova, — heta pijar-kampanija. Rabotnik «Biełsata» nie musić udzielničać u takich kampanijach pijaru.

I nie sama hetaja sprava, a reakcyja na jaje Ivana, pryciahnieńnie ŭvahi kalehaŭ pryviali da taho, što my stracili da jaho davier, tamu vydalili Ivana z administravańnia sacyjalnych sietak «Biełsat». I, jak pakazała raźvićcio padziej, heta było pravilna. Bo pijarščyk, jaki vystupaje suprać byłoha pracadaŭcy, vykarystoŭvajučy ŭsio, što kali-niebudź było skazana ci napisana, — pryncypova nienadziejny čałaviek. Nikomu b nie parekamiendavała takoha SMM-śpiecyjalista.

Pahadnieńnie ab pracy budzie spyniena ŭ kastryčniku, zarobak budzie vypłačany. 

Jašče cikavy momant: nichto nie zaŭvažyŭ, što Ivan Šyła NIE JOŚĆ žurnalistam, a pracuje pijarščykam….

• 0
• 0
• 0
• 0
• 0
• 0
• 0
• 0