U redakcyju Progomel.by dasłali videa incydentu, jaki adbyŭsia niadaŭna na adnym z prypynkaŭ abłasnoha centra.
U sałon tralejbusa zajšli žančyny-kantralory i paprasili pasažyraŭ pakazać tałončyki za prajezd. Adzin z mužčyn admoviŭsia vykanać zakonnaje patrabavańnie, bo paličyŭ, što prademanstravanaje jamu paśviedčańnie nie adpaviadaje patrabavańniam ukaza prezidenta, jaki rehuluje paradak afarmleńnia słužbovych paśviedčańniaŭ.
U pryvatnaści, sa słoŭ hościa z Babrujska, na im adsutničała hierbavaja piačatka, zamiest jaje — piačatka adździeła kadraŭ.
U rešcie rešt kantralory spynili sproby dabicca ad mužčyny bileta i pajšli ŭ svoj mikraaŭtobus.
Juryskonsult KUP «Harelektratranspart» Juryj Zazula raskazaŭ, što dziejańni supracoŭnikaŭ kantrolna-revizorskaj słužby byli zakonnymi, a voś hramadzianin pamylajecca. Ukaz prezidenta rehuluje vydaču słužbovych paśviedčańniaŭ, jakija vydajucca dziaržsłužačym. A ŭ praviarajučych majucca paśviedčańni pradpryjemstva, u jakich napisana, što jany źjaŭlajucca rabotnikami kantrolna-revizorskaj słužby. Patrabavańni da ich zusim inšyja, choć hierbavaja piačatka razam ź piačatkaj adździeła kadraŭ tam taksama jość. Pasažyr prosta jaje nie zaŭvažyŭ ź levaha boku paśviedčańnia.
Hetuju infarmacyju paćvierdzili i ŭ «Minsktransie». U stalicy aproč inšaha praktykujuć naniasieńnie na dakumient achoŭnych znakaŭ.
Ciapier čytajuć
Čamu YouTube vydaliŭ kanały BiełTA, STB i ANT? Voś što viadoma11
Kamientary