«Prapanoŭvali adklučyć jaho ad aparata»: žonka eks-ministra finansaŭ Korbuta raspaviała pra siońniašni stan muža
Mikałaj Korbut z 1997 pa 2008 h. uznačalvaŭ Ministerstva finansaŭ. U žniŭni 2008 h. jon pieranios insult. «Narodnaja vola» raspytała jaho žonku Ludmiłu Vasiljeŭnu, čym zaraz žyvie były čynoŭnik. 1 listapada jamu spoŭnicca 70 hadoŭ.
Leta Korbuty praviali na dačy pad Dziaržynskam, žyvuć zusim zvyčajna.
«U jaho ž byŭ jašče i druhi insult praź niekatory čas paśla pieršaha. Vielmi ciažki. Tamu dziakuj Bohu, što ŭsio tak, jak jość.
Časam kapajusia ŭ harodzie, i prosta chočacca jaho pazvać, jak raniej było. Jon vielmi lubiŭ mnie dapamahać. I hradki ŭ jaho byli pad šnuročak. A ciapier usio rablu sama. Ničoha, daju rady».
Mova ŭ Mikałaja Korbuta parušana, ale «ŭsio razumieje, my kamunikujem… Hałoŭnaja krynica infarmacyi — televizar (na dačy «talerka» — 200 telekanałaŭ idzie). U jaho paralizavana pravaja ruka. Jeść jon levaj. Da taho ŭ jaho dyjabiet, ja jaho čatyry razy kalu ŭ dzień, prablemy sa zrokam», — kaža žonka.
«My ź im tak doŭha razam — užo 45 hadoŭ. Pa-inšamu prosta niemahčyma!» — adznačaje Ludmiła Vasiljeŭna.
«Mnie ž kazali, što jon budzie ledź nie raślinaj, — raspaviadaje Ludmiła Vasiljeŭna, — Taki ciažki paŭtorny insult zdaryŭsia. Prapanoŭvali adklučyć jaho ad aparata — navat uspaminać nie chočacca… Pryjazdžała kansultavać prafiesarka z Maskvy, skazała: «U Maskvie jaho nie vyratavali b». A našy biełaruskija daktary małajcy, dziakuj im vialiki!»
Pa jaje słovach, muž pierasoŭvajecca ŭ vazku. Raniej jon pierasoŭvaŭsia pry dapamozie śpiecyjalnaj chadziłki, ale dva hady tamu žančyna ŭpała i złamała rebry, tamu nie zmahła hladzieć muža, doŭha adnaŭlałasia i pierasadziła jaho ŭ vazok. Na žal, ź jaho jon bolš nie padymajecca.
Dziela muža sp. Ludmiła vymušana była kinuć pracu — jana była zahadčycaj łahapiedyčnaha dziciačaha sadka ŭ Minsku. «Padkasiŭ mianie Piatrovič», — z sumam reziumuje jana.
Ciapier čytajuć
«Miesiačny płaciež paciahnie na 340 rubloŭ». Što budzie ŭ Biełarusi z mabilnym internetam?10
Kamientary