Inhušski parłamient zaćvierdziŭ pahadnieńnie ab miažy z Čačnioj. Z ranicy sotni niazhodnych z hetym rašeńniem vyjšli na vulicy i nakiravalisia da narodnaha schodu respubliki. U stalicy respubliki Mahasie pierakrytyja darohi, internet pracuje ź pierabojami.
Za ratyfikacyju pahadnieńnia ab miažy prahałasavali 17 deputataŭ, paviedamiŭ daradca kiraŭnika Inhušecii Arciom Pierachryst. Troje byli suprać, astatnija ŭstrymalisia. Usiaho ŭ pasiadžeńni pryniali ŭdzieł 25 deputataŭ z 32. Čačenski parłamient zaćvierdziŭ pahadnieńnie adnahałosna.
Mitynhoŭcy adpravili da deputataŭ parłamiencioraŭ z prośbaj zabiaśpiečyć udzieł u pasiadžeńni narodnaha schodu pradstaŭnikoŭ hramadskaści ŭ kolkaści 10 čałaviek, raspavioŭ adzin z udzielnikaŭ akcyi. Jany taksama zapatrabavali paśla hałasavańnia paviedamić ab pryniatym rašeńni.
Paśla hetaha da pratestoŭcaŭ vyjšła delehacyja deputataŭ u supravadžeńni supracoŭnikaŭ Rashvardyi. U hety momant pačulisia streły ŭ pavietra, i bajcy Rashvaryi adviali deputataŭ nazad va ŭradavy kvartał.
Vidavočcy raspaviali Bi-bi-si, što da mitynhoŭcaŭ vychodziŭ kiraŭnik Inhušecii Junus-Biek Jeŭkuraŭ, u jaho bok palacieli butelki, paśla hetaha achova adkryła stralbu ŭ pavietra.
Pierachryst skazaŭ, što paśla hałasavańnia ŭ parłamiencie Jeŭkuraŭ vyjšaŭ da prysutnych, kab pahavaryć. Ale ŭ hety momant, pa jaho słovach, «niejki pravakatar z natoŭpu» kinuŭ u natoŭp butelku (jon miarkuje, što płastykavuju). Paśla hetaha «prahučali dva papieradžalnyja streły», paćvierdziŭ fakt stralby daradca kiraŭnika Inhušecii.
«Ale heta, viadoma, byli nie bajavyja patrony», - padkreśliŭ jon. Jeŭkuraŭ ža praciahnuŭ havaryć ź ludźmi i zaklikaŭ usich mirna razyścisia, sfarmavaŭšy inicyjatyŭnuju hrupu z 10 čałaviek dla kantaktu z uładami, paviedamiŭ Pierachryst.
Ciapier čytajuć
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju27
Kamientary