Alaksandr Łukašenka pravioŭ siońnia rabočuju sustreču ź ministram zamiežnych spraŭ Uładzimiram Makiejem.
Pa vynikach mierapryjemstva kiraŭnik zamiežnapalityčnaha viedamstva krainy raspavioŭ žurnalistam, pra što infarmavaŭ kiraŭnika dziaržavy, piša BiełTA.
Uładzimir Makiej, u pryvatnaści, prainfarmavaŭ Łukašenku ab svaim niadaŭnim udziele ŭ sustrečy ministraŭ zamiežnych spraŭ krain — udzielnic «Uschodniaha partniorstva» i krain — členaŭ ES 15 kastryčnika ŭ Luksiemburhu.
«Było paviedamlena ab rabocie nad tymi dakumientami, jakija my zaraz adpracoŭvajem razam ź Jeŭrasajuzam, — heta pryjarytety partniorstva, pahadnieńni ab palahčeńni vizavaha režymu i readmisii. U cełym jość istotnyja zruchi pa ŭsich dakumientach, ale, na žal, nie pa našaj vinie pieryjadyčna źjaŭlajucca niejkija novyja niuansy, jakija patrabujuć dadatkovaha času dla analizu, udakładnieńnia abo pryniaćcia rašeńniaŭ», — adznačyŭ ministr.
Pavodle jaho słoŭ, biełaruski bok maje namier spakojna pracavać nad hetymi dakumientami z ulikam nacyjanalnych intaresaŭ. «Jość vyraznaja ŭstanoŭka kiraŭnika dziaržavy nakont praciahu kursu na raźvićcio narmalnych adnosin ź Jeŭrapiejskim sajuzam, u pieršuju čarhu ekanamičnych, palityčnych i humanitarnych», — padkreśliŭ dypłamat
«Kiraŭnik dziaržavy taksama byŭ prainfarmavany ab hrafiku źniešniepalityčnych sustreč, vizitaŭ zamiežnych pradstaŭnikoŭ da nas i vizitaŭ kiraŭnika dziaržavy za miažu», — paviedamiŭ ministr.
Jon adznačyŭ, što kaniec hoda abiacaje być bahatym na mierapryjemstvy na najvyšejšym i vysokim uzroŭniach.
Siarod ich, naprykład, zapłanavany na 25—26 kastryčnika Forum rehijonaŭ Biełarusi i Ukrainy.
U Homieli baki płanujuć padpisać vialiki pakiet dakumientaŭ — pahadnieńniaŭ i kantraktaŭ — na niekalki dziasiatkaŭ miljonaŭ dalaraŭ. «Idzie aktyŭnaja praca, niejkich niavyrašanych pytańniaŭ niama. Kiraŭnik dziaržavy daručyŭ, kab hetaja padzieja była arhanizavana na najvyšejšym uzroŭni», — dadaŭ dypłamat.
Akramia taho, Łukašenka byŭ prainfarmavany ab padrychtoŭcy sustrečy Asnoŭnaj hrupy Miunchienskaj kanfierencyi pa biaśpiecy. Mižnarodny forum projdzie ŭ Minsku 30 kastryčnika — 1 listapada.
Udzieł u mierapryjemstvie ŭžo paćvierdzili prezidenty i premjer-ministry ź inšych krain, kiraŭniki źniešniepalityčnych viedamstvaŭ, kiraŭniki i pradstaŭniki śpiecsłužbaŭ, analityčnych supolnaściaŭ.
«Paradak dnia vielmi aktualny i zaklučajecca ŭ tym, jak paźbiehnuć dalejšaha nahniatańnia kanfrantacyi, jakaja siońnia isnuje ŭ rehijonie. Kiraŭnik dziaržavy taksama daŭ adpaviednyja daručeńni pa padrychtoŭcy i praviadzieńni hetaha mierapryjemstva», — reziumavaŭ Uładzimir Makiej.
Kamientary