Novym staršynioj Haradzienskaha harvykankama budzie Andrej Chudyk, ciapierašni staršynia Lidskaha rajvykankama, — śćviardžaje infarmavanaja krynica. Nie ŭsim haradzienskim čynoŭnikam «lidski vyskačka» padabajecca, ale kažuć, što rašeńnie ŭžo pryniataje.
Chudyk ličycca «rynačnikam», jaki maje zdolnaści pryciahvać inviestycyi i aktyŭna pracavać z zachodnimi, pierš za ŭsio litoŭskimi biźniesoŭcami. Maje niadrennyja suviazi i ŭ Minsku. Niadaŭna ŭ stalicy źjaviłasia vulica Lidskaja (adna z prajektujemych vulic u mikrarajonie pad nazvaj Kamiennaja horka), dyk voś harvykankamaŭskija čutki śćviardžajuć, što mienavita Chudyk «prabiŭ» dla hetaj vulicy takoje imia. Kali praŭda, dyk sapraŭdy čałaviek z suviaziami. Ale pa ščyraści, nie nadta vierycca. Bolš padobna na kułuarny piar.
Kamientary