Sałame Zurabišvili, jakaja vyjhrała prezidenckija vybary ŭ Hruzii, nie ličyć, što zaraz prydatny čas dla supracoŭnictva z Rasijaj. Pra heta jana raspaviała ŭ intervju BBC.
«Nie dumaju, što, pakul Rasija pavodzić siabie tak, jak ciapier, z ulikam taho, što adbyvajecca na linii akupacyi, dzie vykradajuć ludziej, i hetaja linija ruchajecca ŭhłyb našaj terytoryi, usio bližej da Tbilisi… z ulikam taho, jak Rasija ciapier pavodzić siabie ŭ dačynieńni da Ukrainy, nie dumaju, što ŭsio heta aznačaje, što my možam prosta zaraz pierajści da supracoŭnictva», — zajaviła Zurabišvili.
Jana skazała, što Hruzija zajmaje prajeŭrapiejskuju pazicyju, i ŭ vypadku, kali zachodnija partniory krainy ŭ asobie Jeŭropy i Amieryki pačnuć dyjałoh z Rasijaj, tady, viadoma, Hruzija nie zastaniecca ŭ baku.
Kamientary