Alaksandr Łukašenka siońnia na sustrečy z rasijskimi žurnalistami asabista prakamientavaŭ padrabiaznaści haračaj dyskusii na niadaŭnim samicie JEAES u Sankt-Pieciarburhu, piša BiełTA
Jon adznačyŭ, što časam u rasijskich ŚMI nieabjektyŭna aśviatlajuć padziei, źviazanyja ź Biełaruśsiu, až da fejkaŭ. Adzin z prykładaŭ jon pryvioŭ ź niadaŭniaha samita JEAES ŭ Sankt-Pieciarburhu, kali da jaho padyšli pradstaŭniki rasijskaha telebačańnia. «Jany abaviazkova mianie tam za ruki schopiać, viedajučy, što ja, viadoma, nie prajdu mima mikrafona, kali čałaviek pytajecca. Ja pavažaju žurnalista, adkazvaju jamu na pytańnie. Kažu, što tam nakał byŭ, što pryjšłosia adzin pierad adnym vybačacca», — raspavioŭ biełaruski kiraŭnik.
«Što jany robiać: dajuć svarku z Pucinym u adkrytym efiry, a dalej, što Łukašenku pryjšłosia prasić prabačeńnia pierad Pucinym za toje, što jon ź im ustupiŭ u hutarku. Dy boh z vami! Ja b nižej za svaju hodnaść paličyŭ za heta prasić prabačeńnia. My pieraprašali tam … Ja pierad Nikołam [Pašynianam] prasiŭ prabačeńnia, što na jaho napaŭ tam pa roznych pryčynach.
Pucin prasiŭ prabačeńnia pierad usimi. Tam ža takaja kaša była… Nazarbajeŭ pačaŭ vybačacca. I heta sapraŭdy było — my prasili prabačeńnia adzin pierad adnym na hetym pasiadžeńni. Ale jany ž [u rasijskich ŚMI] tonka i śpiecyjalna padsunuli tuju infarmacyju», — adznačyŭ Alaksandr Łukašenka.
Łukašenka publična asadziŭ Pucina: Byccam vajavali razam, a Biełaruś maje horšyja ŭmovy za Hiermaniju VIDEA
Ciapier čytajuć
«Lipa va ŭsich sensach». Voś jak buduć vyhladać drevy ŭ vazonach na hałoŭnym minskim praśpiekcie. Błohiery atrymali zadańnie imi zachaplacca10
Kamientary