Ihar z Hrodna schłusiŭ, što jon udzielnik vajny. Ale rasčulenaja rasijanka ŭžo pieraviała jamu $2700
Rasijski sud patrabuje viarnuć hrošy, a śled biełarusa daŭno prastyŭ.
33‑hadovy biełarus Ihar Hrocki, jaki, miarkujučy pa sacsietkach, žyvie pamiž Hrodnam i Maskvoj, pabahacieŭ na $2700. Hetyja hrošy jamu pieraviała žycharka Padmaskoŭja Natalla Sasulina.
Žančyna paznajomiłasia ź im u listapadzie 2023 hoda. Ihar nazvaŭsia čužym imieniem, schłusiŭ, što vajennasłužačy, udzielnik «SVA». A pakolki trapiŭ u ciažkuju situacyju, to paprasiŭ pieravodzić jamu hrošy na rachunak u «Śbierbanku», abiacajučy chutka viarnuć. Za niekalki miesiacaŭ žančyna zrabiła 12 pieravodaŭ. Paśla hetaha Ihar pierastaŭ adkazvać na paviedamleńni i źnik.
Kali Natalla Sasulina zrazumieła, što pierad joj byŭ nie «hieroj SVA», to pajšła viartać hrošy ŭ sud. U rašeńni suda skazana, što Hrocki pavinien addać joj tyja samyja $2700, ale pakolki biełarus na pasiadžeńnie nie źjaviŭsia, vidavočna, što spahnać hrošy ź jaho nie tak prosta.
U tyktoku jość asobny kanał, na jakim sabralisia paciarpiełyja ad Ihara Hrockaha. Nazyvajuć jaho alfonsam i kažuć, što jon śpiecyjalizujecca na žančynach 35+.
Ciapier čytajuć
Kolki biełarusaŭ atrymali polskaje hramadzianstva za apošni čas. Ličby ŭražvajuć8
Kolki biełarusaŭ atrymali polskaje hramadzianstva za apošni čas. Ličby ŭražvajuć
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek44
Kamientary