Zialenski paprasiŭ u Trampa 300 rakiet dla Patriot, kab abaranić enierhietyku Ukrainy ŭzimku
Prezident Ukrainy daŭ intervju Axios, u jakim raskazaŭ pra svaju prośbu da Donalda Trampa vydzielić Kijevu ekstrany «zimovy pakiet» rakiet-pierachopnikaŭ dla zienitnych kompleksaŭ Patriot.
Pavodle słoŭ Zialenskaha, Ukrainie nieabchodnyja 300 rakiet, kab paźbiehnuć maštabnaha paškodžańnia enierhietyčnaj infrastruktury krainy ŭ chałodnuju paru hoda.
U aŭtorak Zialenski i Tramp praviali sustreču ŭ Biełym domie. Pavodle słoŭ ukrainskaha prezidenta, kiraŭnik ZŠA paćvierdziŭ svajo abiacańnie, dadzienaje padčas samitu NATA ŭ Ankary ŭ červieni hetaha hoda, — pradastavić Ukrainie licenziju na vytvorčaść rakiet dla Patriot.
Adnak vytvorčaść hetych rakiet zojmie niekalki hadoŭ, tamu ich vypusk va Ukrainie nie vyrašaje prablemu ŭžo ciapier, bo, jak cytuje Axios słovy Zialenskaha, «rakiety patrebnyja nam jašče ŭčora».
Pavodle słoŭ prezidenta Ukrainy, u adkaz na prośbu pradastavić dadatkovy «zimovy pakiet» rakiet Tramp paabiacaŭ pasprabavać dapamahčy, ale daŭ zrazumieć, što zrabić heta budzie niaprosta, pakolki takija rakiety nieabchodnyja i samim ZŠA ŭ vajnie ź Iranam, a ich zapasy za amal piać miesiacaŭ hetaha kanfliktu istotna skaracilisia.
Zialenski taksama paviedamiŭ, što ŭkrainskija i amierykanskija abaronnyja kampanii vyvučajuć mahčymaść madyfikacyi ŭkrainskich balistyčnych rakiet i pieratvareńnia ich u rakiety-pierachopniki z mahčymaściami, anałahičnymi rakietam Patriot, pakolki, pavodle jaho słoŭ, «heta budzie chutčej i tańniej».
Šmatlikija ŭdary rasijskaj armii pa ŭkrainskich ciepłavych elektrastancyjach i inšych abjektach enierhietyčnaj infrastruktury minułaj zimoj vyklikali kryzis ź ciepłazabieśpiačeńniem žyłych damoŭ i pradpryjemstvaŭ, jaki jašče bolš pahoršyli mocnyja marazy i śniehapady.
-
U Hdańsku kiroŭca aŭtobusa ź Biełarusi i rabočy vierfi z Ukrainy vyratavali pažyłuju paru ad napadnika
-
Łatvija prapuściła aŭtamabili ź niejtralnaj pałasy, ale los miažy ź Biełaruśsiu pakul niavyznačany
-
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek
Ciapier čytajuć
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek33
Kamientary