Kanał hubazikaŭcaŭ abviarhaje infarmacyju pra sprobu atručvańnia arabskaha błohiera ŭ Biełarusi
Infarmacyja pra sprobu atručvańnia ŭ Biełarusi arabskaha ruskamoŭnaha błohiera Ibrahima Musu, kali toj znachodziŭsia ŭ haściach na dni naradžeńnia paleścinskaha siabra, źjaviłasia ŭ telehram-kanale Musy. Ciapier kanał, stvorany hubazikaŭcami, śćviardžaje, što takoha vypadku naohuł nie było.
Kanał «Hołos arabov», jaki viadzie Ibrahim Musa, apublikavaŭ dniami infarmacyju, pra sprobu atručvańnia błohiera i što trahiedyi ŭdałosia paźbiehnuć dziakujučy ŭvažlivaści samoha Ibrahima, kamiery nazirańnia ŭ domie i dziejańniam siastry imianińnika.
Pavodle paviedamleńnia, dvoje mužčyn livanskaha pachodžańnia nibyta sprabavali atrucić kaljan, jaki pryznačaŭsia dla Ibrahima. Pavodle hetaj viersii, jon zrabiŭ tolki nievialikuju zaciažku, ale zaŭvažyŭ niešta padazronaje i admoviŭsia praciahvać. Siastra haspadara doma, zaŭvažyŭšy, što z kaljana niešta vyciakaje, zabrała jaho.
Dalej aŭtar pasta śćviardžaje, što adzin z napadnikaŭ nibyta sprabavaŭ strelić u Ibrahima ź blizkaj adlehłaści, ale pramachnuŭsia. Paśla hetaha aŭtar tekstu pieraśledavaŭ jaho i zatrymaŭ da pryjezdu inšych ludziej i milicyi. Druhoha padazravanaha, pavodle apisańnia, udałosia vyjavić pa zapisach kamier nazirańnia, paśla čaho abodvuch zatrymali.
U paviedamleńni havorycca, što suprać mužčyn moža być raspačataja kryminalnaja sprava za sprobu zabojstva.
Pavodle viersii aŭtara, pryčynaj napadu stali palityčnyja pohlady Ibrahima Musy i jaho krytyčnyja vykazvańni na adras Irana i byłoha kiraŭnictva krainy.
Aficyjnaha abviaržeńnia hetaj infarmacyi nie było, ale kanał, źviazany z hubazikaŭcami i sumna viadomym Arturam Hajko, paviedamiŭ, što takoha zdareńnia nie było i nikoha nie zatrymlivali.
«Apisanych padziej nie fiksujecca, meta raspaŭsiudžvańnia vydumanaha incydentu nie zrazumiełaja», — piša kanał.
Ciapier čytajuć
Kolki biełarusaŭ atrymali polskaje hramadzianstva za apošni čas. Ličby ŭražvajuć27
Kamientary
Hety Musa z Maskva synok
chusiejnaŭskaha čynovnika jašče toj čort..