Zvykłaja strava na novy ład: recept bulby z sousam biešamiel
Nikoli nie pierastanu ździŭlacca kolkaści straŭ, jakija možna pryhatavać z bulby. U mianie navat jość kniha «250 stravaŭ z bulby», dzie pradstaŭlenyja stravy i pieršyja, i druhija, i navat desierty, pryhatavanyja z hetaha cudoŭnaha praduktu.
Dy što kazać, kali niekatoryja kafe robiać bulbu hałoŭnym hierojem mieniu i tym samym pryvablivajuć vialiki natoŭp prychilnikaŭ.
I hetym razam my pasprabujem zrabić niešta z asartymientu takich kafe: duchmianuju zapiečanaju bulbu z načynkaj. Voś tut, napraŭdu, varyjacyj načynak moža być bieźlič: hrybnaja, miasnaja, rybnaja. Mała z čym bulba nie spałučajecca. Ale maim ulubionym varyntam mahu śmieła nazvać syrny sous z dadavańniem hrudzinki i kukuruzy.
Nam spatrebicca:
- 6 vialikich bulbin;
- alej.
Bulbu dobra myjem, trochi zmazvajeiem alejem, zavaročvajem u folhu i zapiakajem prykładna hadzinu pry 200 hradusach.
Načynka «Syrny sous biešamiel»
- 50 hr. hrudzinki;
- 1 nievialičkaje ściabło cybuli-pareju;
- 2 st. ł. kansiervavanaj kukuruzy;
- 2 st. ł. masła;
- 2 st. ł. muki;
- 1 šklanka małaka;
- 100 hr. syru;
- sol, pierac, muskatny arech.
Hrudzinku režam na kubiki, cybulu-parej na kružki. Na patelni padsmažvajem hrudzinku, dadajom cybulu i smažym da miakkaści.
Tym časam u satejniku topim masła, dadajom da jaho muku i dajom padsmažycca, uvieś čas pieramiešvajučy. Patrochu dadajom ciopłaje małako i pieramiešvajem sous, kab nie było kamiačkoŭ. Varym da zahuścieńnia. U sumieś dadajom ciorty syr, sol, pierac i muskatny arech na smak. Sous pavinien być dosyć hustym.
Zapiečanuju bulbu razrazajem na pałovy, dadajom sumieś hrudzinki i kukuruzy, źvierchu palivajem sousam i prysypajem syram. Dajom jašče zapiakčysia ŭ duchoŭcy chvilin 5—7.
Dla smaku možna pasypać zialonaj cybulaj.
Pašpart Novaj Biełarusi pačnuć vydavać z 26 studzienia. Što viadoma i jak atrymać?4
Kamientary