Pa dadzienych śledstva, 58-hadovy kiraŭnik UP «Pałac sportu» z 2012 pa 2018 hod atrymlivaŭ ad pradstaŭnikoŭ roznych subjektaŭ haspadarańnia ŭ jakaści chabaru hrošy za stanoŭčaje vyrašeńnie pytańniaŭ ab arendzie pamiaškańniaŭ i abstalavańnia.
U lutym minułaha hoda pry sprobie atrymańnia čarhovaha chabaru na dźvie tysiačy rubloŭ jon byŭ zatrymany supracoŭnikami KDB.
Pa vynikach rasśledavańnia ŭstanoŭlena 178 epizodaŭ supraćpraŭnaj dziejnaści. Zhodna z materyjałami kryminalnaj spravy, ahulnaja suma niezakonna atrymanych uznaharod skłała bolš za 78 tysiač rubloŭ. Nakładzieny aryšt na majomaść abvinavačanaha na ahulnuju sumu bolš za 370 tysiač rubloŭ.
Dziejańni słužbovaj asoby kvalifikavanyja śledstvam pa šerahu artykułaŭ Kryminalnaha kodeksa, u tym liku «atrymańnie chabaru», «kradziež, šlacham złoŭžyvańnia słužbovymi paŭnamoctvami», «machlarstva». Abvinavačany znachodzicca pad vartaj, paviedamlaje SK.
Jak mučyli Cila Švajhiera i centry haradoŭ, kab stvaryć karcinku dla sudzimaha za machlarstva prateže Dźmitryja Baskava15
Kamientary