Hienprakuratura — pravaabaroncam: Padstaŭ dla pryciahnieńnia da kryminalnaj adkaznaści Ihara Šunieviča niama
Hienieralnaja prakuratura adkazała na zvarot pravaabarončaha centra «Viasna» ŭ suviazi z dyskryminacyjnymi vykazvańniami ministra ŭnutranych spraŭ Ihara Šunieviča ŭ adras ŁHBTK-supolnaści.
Načalnica adździeła pa nahladzie za vykanańniem pravoŭ i svabodaŭ hramadzianaŭ Maryna Papova pry vyvučeńni źmiestu intervju Ihara Šunieviča telekanału ANT ustanaviła, što ministram było «vykazana asabistaje mierkavańnie pa niekatorych pytańniach».
«U dadzienym artykule nie vykarystoŭvajucca słovy, frazy i słovazłučeńni, užyvańnie jakich dazvoliła b śćviardžać ab najaŭnaści ŭ ich składu jakoha-niebudź pravaparušeńnia abo kryminalna karalnaha dziejańnia», — adznačajecca ŭ adkazie.
U suviazi z hetym, Hienieralnaja prakuratura paličyła, što padstaŭ dla pryniaćcia mier prakurorskaha reahavańnia niama.
Adnak pravaabaroncy adznačajuć, što publičnyja dyskryminacyjnyja vykazvańni ŭ adras jakoj-niebudź hrupy abo vykazvańni, jakija raspalvajuć varožaść — časta i źjaŭlajucca vykazvańniem asabistaha mierkavańnia.
Kamientary