Uzbrojenyja siły Hiermanii, jak i raniej, niedastatkova abstalavanyja, niedaŭkamplektavanyja piersanałam i praźmierna zabiurakratyzavanyja. Pra heta havorycca ŭ novaj spravazdačy niamieckaha parłamienta, paviedamlaje Deutsche Welle.
Samaj vialikaj prablemaj, na jakuju skardzilisia sałdaty bundeśviera, byŭ niedachop abstalavańnia, niahledziačy na nieadnarazovyja abiacańni ŭrada pačynajučy z samita NATA 2014 hoda źmianić situacyju.
Mienš za 50% tankaŭ, karabloŭ i samalotaŭ bundeśviera byli dastupnyja adnačasova dla trenirovak ci ŭ metach ekspłuatacyi.
«Zapasnyja častki pa-raniejšamu adsutničajuć; techničnaje absłuhoŭvańnie ŭ pramysłovaści zaciahvajecca, cierpiać prahramy navučańnia. Całkam nieabchodna paskareńnie zakupak», — havorycca ŭ spravazdačy.
Zhodna z dakumientam, niamieckim sałdatam časam davodzicca spadziavacca na hramadzianskija viertaloty, kab pieramiaščacca pa Afhanistanie, u toj čas jak žyćciova važnaje abstalavańnie, takoje jak broniekamizelki, nieabchodna pazyčać.
U toj ža čas aŭtary adznačajuć, što prablema nie abaviazkova zaklučajecca ŭ niedachopie hrošaj, bo abaronny biudžet Hiermanii pavialičyŭsia na 5 młrd jeŭra, da 43,2 miljarda jeŭra ŭ hetym hodzie. «Bundeśvier staŭ biurakratyčnym monstram. Zanadta šmat pracy robicca dvojčy», — havorycca ŭ dakumiencie.
U spravazdačy taksama zafiksavany rost paviedamleńniaŭ ab seksualnych damahańniach i vypadkach pravaha ekstremizmu siarod sałdat.
Jašče adnoj važnaj prablemaj dla Hiermanii źjaŭlajecca stahnacyja pryzyvu na vajskovuju słužbu, jakaja pačałasia paśla taho, jak u 2011 hodzie kraina admianiła abaviazkovuju vajskovuju słužbu.
Niahledziačy na toje, što bundeśvier u cełym pašyrajecca (spravazdača pakazała, što čysty pryrost składaje 4000 prafiesijnych vajskoŭcaŭ), bolšaść ź ich źjaviłasia šlacham padaŭžeńnia isnujučych kantraktaŭ. Inšymi słovami, niamieckija vajennyja starejuć.
Urad abiacaŭ 198,5 tysiač aktyŭnych słužačych da 2025 hoda ŭ paraŭnańni ź ciapierašnimi 181 tysiačaj, ale kolkaść navabrancaŭ skaraciłasia z 23 tysiač u 2017 hodzie da 20 tysiač u minułym hodzie.
U spravazdačy taksama padrabiazna raspaviadajecca pra niedachop klučavych śpiecyjalistaŭ: nie chapaje supracoŭnikaŭ u śfiery vajennych infarmacyjnych technałohij i miedycynskaha piersanału.
Ciapier čytajuć
Były biełaruski milicyjanier šukaje «parodzistuju pryhažuniu». Nazyvaje siabie miljanieram, a sam sudzicca z byłoj žonkaj za alimienty21
Kamientary