Padčas čempijanatu śvietu pa łyžnych vidach sportu ŭ Aŭstryi palicyja zatrymała piaciora spartsmienaŭ z troch krain. Taksama pad vartu ŭziali mierkavanych raspaŭsiudnikaŭ dopinhu. Pra heta havorycca ŭ paviedamleńni Fiederalnaj palicyi Aŭstryi.
Dzieviać čałaviek byli zatrymanyja palicyjaj u aŭstryjskaj kamunie Ziefield-in-Cirol i ŭ Hiermanii ŭ ramkach spravy ab užyvańni i raspaŭsiudzie dopinhu. Sumiesnuju apieracyju pravodzili aŭstryjskaje ŭpraŭleńnie pa baraćbie z arhanizavanaj złačynnaściu i miunchienskaja prakuratura.
U pryvatnaści, zatrymali piaciora spartsmienaŭ: dvoje z Aŭstryi, adzin z Kazachstana, dvoje z Estonii. Akramia taho, zatrymanyja dva členy mierkavanaj złačynnaj hrupoŭki, a taksama spartyŭny lekar i jaho saŭdzielnik z Hiermanii
Ranicaj 27 lutaha byli praviedzieny pieratrusy ŭ raźmiaščeńni niekalkich zbornych kamand i ŭ Miunchienie.
Aŭstryjskaja palicyja adznačaje, što havorka idzie pra rasśledavańnie dziejnaści «hłabalnaj dopinhavaj sietki».
Rasśledavańnie źviazana sa śviedčańniami aŭstryjskaha łyžnika Jochanesa Dziura, abvinavačanaha va ŭžyvańni dopinhu ŭ 2014 hodzie.
Kamientary