Ekstrym-majdančyk

Čym zdolnaja Biełaruś pryvabić inturystaŭ? Feljeton Lolika Uškina.

Jasna, čym! Adnavić hałoŭny atrakcyjon krainy – namiotavaje miastečka apazycyi (bonus – tur na Akreścina).

U dumkach pahartaŭ staronki Knihi skarhaŭ i prapanovaŭ, jakuju muzejna-zabaŭlalny kompleks ekstremalnaha turyzmu «Namiotavy lahier apazycyi» budzie abaviazkova mieć, jak pavažnaja ŭstanova.

«...Ja amatar ekstremalnaha turyzmu, zvyčajna padčas vakacyjaŭ biehaju ad ludažeraŭ na vyśpie Barneo abo žyvu ŭ zaaparku ŭ valjery sa skunsami. Pasłuchaŭšy bajki siabroŭ, hetym sezonam naviedaŭ Biełaruś, vaš kompleks. Ščyra kažučy, ja ŭ zachapleńni. Spadabaŭsia atrakcyjon «Pranos buterbrodaŭ u lahier praz kardon milicyjantaŭ». Kaskad andrenalinu!

Mišel Z., hramadzianin Kanady».

«...Kali naša firma zbankrutavała, straciŭ žyćciovy tonus, doŭha nie znachodziŭ sabie miesca. Dumaŭ navat skončyć žyćcio samahubstvam. Tydzień u «Lahiery apazycyi» navučyŭ mianie mužna prymać udary losu. Kožny momant, kali supracoŭnik atrakcyjonu, jakoha hraŭ Paŭličenka, rabiŭ mnie «łastaŭku», ja dumaŭ, što addam bohu dušu. Adnak vyžyŭ i zaraz hatovy z novymi siłami viarnucca ŭ socyjum.

Biespracoŭny (časova) Isydor z Hišpanii».

«Ja Žan-Mary z Belhii. Lublu ekscentryčny seks, zvyčajna tusujusia ŭ Tajlandzie. Pažyŭ u lahiery. Sto razoŭ na dzień chadziŭ tydy-siudy, kab atrymać ad milicyjantaŭ seans nadzvyčajnaha masažu pad pryklopam dohladu pa padazreńni, što niasu apazycyjaneram ježu. Heta prosta fantastyka!!!»

«...Vielmi prykałoŭ atrakcyjon «Sudovy praces», dzie mianie sudzili za brydkuju łajanku. Ledź nie pamior ad śmiechu. Sapraŭdny cyrk!

Prafesijny komik Edzi Merfi».

«Tydzień na Akreścina – i byccam dahetul paŭhodu nie tyrčeła štodnia ŭ «Burhierkinhu». Viartajusia na radzimu, kab za hod vyvučyć šmat lozunhaŭ biełaruskaj apazycyi, bo nastupnym sezonam chaču pryjechać na vaš atrakcyjon i atrymać nia dziesiać sutak za łajanku matam, a pajści na ŭsiu katušku – paŭhodu za antyłukašenkaŭskija hrafici.

Budučaja madel Šarłota B. (štat Paŭnočnaja Dakota)».

«...Dziakuj za navuku: ciapier my viedajem, što padabajecca inšaziemcam. Abaviazkova arhanizujem u siabie pastanovačnyja bojki pamiž demanstrantami i bajcami AMONu.

Dyrektar muzejnaha kompleksu «Linija Stalina» Siarhiej P.».

«...Lahier – adstoj. Čamu na jaho terytoryi zabaroniena pić harełku?

Hrupa turystaŭ z Bransku».

«...Usio było pa kajfie. Asabliva zapomnilisia momanty, kali ludzi ŭ cyvilnym padkidvali nam narkotyki. Poŭny ŭlot.

Hrupa narykaŭ z Amsterdamu».

«...Što za čmo vykonvaje ŭ lahiery rolu Siŭčyka? Ja ž absalutna inšy.

Były namieśnik kamendanta namiotavaha miastečka Viačasłaŭ Siŭčyk».

«...Vyražaju padziaku kalektyvu kompleksu «Namiotavy lahier apazycyi» za dobruju pracu, jakaja spryjaje papaŭnieńniu biudžetu zamiežnaj valutaj. Na bližejšym pasiedžańni Saŭminu abaviazkova razhledzim pytańnie ab stvareńni takich samych miastečak va ŭsich abłasnych centrach, a taksama na voziery Narač.

Prezydent RB Alaksandar Ł.».

• 0
• 0
• 0
• 0
• 0
• 0
• 0
• 0