Uletku hetaha hoda ŭ Kryminalny kodeks uvojduć u siłu źmieny. Jak raspavioŭ siońnia načalnik adździeła dziaržaŭnaha abvinavačańnia Hienieralnaj prakuratury Eldar Safaraŭ, z raździeła «Złačynstvy suprać paradku ažyćciaŭleńnia pradprymalnickaj dziejnaści» vyklučajecca 5 artykułaŭ, piša Tut.by.
Heta art. 224 (Parušeńnie paradku adkryćcia rachunkaŭ za miežami RB), art. 232 (Pieraškadžeńnie zakonnaj pradprymalnickaj dziejnaści, art. 244 (Parušeńnie antymanapolnaha zakanadaŭstva), art. 249 (Dyskredytacyja dziełavoj reputacyi kankurenta), art. 234 (iłžepradprymalnictva).
— Jašče ŭ vasiemnaccać artykułaŭ KK unosiacca źmieny z bolš ilhotnymi ŭmovami pryciahnieńnia da adkaznaści, — zajaviŭ Eldar Safaraŭ. — Akramia taho, vyklučajecca ahulnaja kanfiskacyja majomaści jak dadatkovy vid pakarańnia i pašyrajecca prymianieńnie śpiecyjalnaj kanfiskacyi.
Naprykład, budzie kanfiskoŭvacca pryłada złačynstva abo dachod, atrymany niezakonnym šlacham. Adnak takoje pakarańnie, jak kanfiskacyja majomaści, sud bolš pryznačać nie budzie. Na dumku pradstaŭnika Hienprakuratury, novaŭviadzieńnie dazvolić abaranić pravy i intaresy siamji asudžanaha. Pa statystycy, u 2018 hodzie pa ekanamičnych złačynstvach kanfiskacyja jak dadatkovaja miera pakarańnia ŭžyvałasia da 80 fihurantaŭ. U 2019 hodzie, nahadajem, jaje ŭžyvali da fihurantaŭ «spravy miedykaŭ».
— Zamiest kanfiskacyi z 19 lipienia, za vyklučeńniem art. 139 KK (Zabojstva), uvodziacca štraf ad 300 da 5000 bazavych vieličyń, — dadaje Safaraŭ. — Pazbaŭleńnie voli nie moža być pryznačana asobie, jakaja ŭčyniła ekanamičnaje złačynstva ŭpieršyniu, kali jano nie ŭjaŭlaje vialikaj hramadskaj niebiaśpieki. Normy KK nakiravany na bolš hłybokuju dyfierencyju i pavinny sadziejničać dasiahnieńniu sacyjalnaj spraviadlivaści.
Važny niuans: što budzie z tymi, kamu była pryznačanaja kanfiskacyja da 19 lipienia 2019 hoda?
— Asoby padlahajuć vyzvaleńniu (ad hetaha vidu pakarańnia. — Zaŭv. TUT.BY), kali da hetaha času kanfiskacyja nie była vykanana, — paviedamiŭ Eldar Safaraŭ.
Ciapier čytajuć
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj34
Kamientary