Pra heta dziaržsakratar Rady biaśpieki Stanisłaŭ Zaś skazaŭ u intervju Tut.by.
«Treba pryznać, što nacyjanalnaja mova — adna z asnoŭ nacyjanalnaj samaidentyfikacyi luboha naroda. Kali my havorym ab abaronie svajoj identyčnaści, my pavinny kultyvavać adnu ź jaje asnoŭ — movu. Kultyvavać, prapahandavać, užyvać — pra heta razmova idzie.
Viadoma, niapravilna vieści razmovu pra toje, što my ciapier budziem nasadžać biełaruskuju movu. Ale rabić tak, kab jana była papularnaj, modnaj, asabliva siarod moładzi. Darečy, ciapier, radasna, naša moładź pačynaje pavaročvacca da biełaruskaj movy i vykarystoŭvać jaje ŭ hutarcy. I hety šlach treba prajści, kab my ŭmacoŭvalisia jak nacyja i jak narod.
— Vam mohuć zapiarečyć, što va Ukrainie ŭzialisia za raźvićcio nacyjanalnaj identyčnaści i heta pryviało da napružanaści jak unutry krainy, tak i pa-za joj. Paśla ŭklučeńnia hetaha ŭ Kancepcyju, što biełaruskaja ŭłada ciapier nie pabaicca zrabić u hetym kirunku?
- Nie pabaicca papularyzavać svaju movu. Nie resursam niejkim administracyjnym, abaviazvajučym abo praciskivajučy. Treba stymulavać, zaachvočvać, stvarać umovy, kab prymianieńnie movy pašyrałasia.
- Niejkija idei mier u vas jość? Naprykład, pašyreńnie adukacyi na biełaruskaj movie było b pravilnaj mieraj?
- Napeŭna tak. Ale takija rečy pavinny rabicca z ulikam realnych patreb našych ludziej. Kali my budziem zaachvočvać i kultyvavać modu na biełaruskuju movu, tady i zapyt na adukacyju, dziełavyja znosiny buduć.
«Ja pryjechała ŭ 4:50 i była ŭ čarzie 77-ja». Jak ryełtarka nabyvała dla siabroŭki kvateru ŭ elitnym ŽK Minska9
Kamientary