Kiraŭnik niezaležnaha prafsajuza zatrymany ŭ siabie ŭ kvatery «pa padazreńni ŭ znachodžańni ŭ niećviarozym stanie»
Hienadź Fiadynič, lidar niezaležnaha prafsajuza REP, paviedamiŭ, što da jaho ŭ kvateru pryjšli supracoŭniki milicyi i zatrymali pa padazreńni ŭ znachodžańni ŭ niećviarozym stanie, paviedamlajecca na sajcie prafsajuza.
«Ja ćviarozy i nie parušaŭ umoŭ chatniaj chimii», — paśpieŭ paviedamić Hienadź Fiadynič redakcyi praca-by.info padčas zatrymańnia.
Ciapier suviazi ź lidaram prafsajuza niama, i dzie jon znachodzicca, taksama nieviadoma.
Kiraŭnika niezaležnaha prafsajuza Fiadyniča adpuścili, jon doma
Pavodle ŭmoŭ «chatniaj chimii», Hienadź Fiadynič nie moža znachodzicca nie doma paźniej za 19:00 u budnija dni i nie maje prava pakidać kvateru ŭ vychodnyja. Taksama zabaroniena ŭžyvać ałkahol na ŭvieś termin pakarańnia — 4 hady. Supracoŭniki milicyi padčas usiaho terminu kantralujuć vykanańnie hetych umoŭ, h.zn. mohuć pryjści da jaho ŭ luby čas dnia i nočy.
U žniŭni 2018 hoda kiraŭniki prafsajuza REP Hienadź Fiadynič i Ihar Komlik atrymali pa 4 hady «chatniaj chimii» biez kanfiskacyi majomaści. Sud pryznaŭ kiraŭnikoŭ prafsajuza vinavatymi va ŭchileńni ad vypłaty padatkaŭ u asabliva bujnym pamiery.
Ciapier čytajuć
Daškievič raskazaŭ, jak trapiŭ za kratami ŭ «nizki status» i napisaŭ prašeńnie ab pamiłavańni6
Kamientary