Libierałka Zuzana Čaputova nabrała 58% hałasoŭ.
Druhi tur vybaraŭ adbyŭsia 30 sakavika. U pieršym najbolš hałasoŭ nabrali advakatka i hramadskaja dziejačka Zuzana Čaputova i namieśnik kiraŭnika Jeŭrakamisii Maraš Šefčavič. Libierałka Čaputova mieła 41 % hałasoŭ. Sacyjał-demakrat Šefčavič — 19 %.
Prezident u Słavaččynie maje pieravažna cyrymanijalnyja funkcyi, ale abirajecca ŭsieahulnym hałasavańniem.
Słavaččyna — 5-miljonnaja słavianskaja kraina, što dałučyłasia da NATO paźniej za svaich susiedziaŭ ź Vienhryi, Čechii i Polščy, bo spačatku ŭ joj isnavaŭ aŭtarytarny režym. Słavaččyna zrabiła vialiki ryvok u svaim ekanamičnym raźvićci paśla dałučeńnia da ES.
46-hadovaja Čaputova — namieśnica staršyni levalibieralnaj partyi «Prahresiŭnaja Słavaččyna». Jana ŭ razvodzie, haduje dvaich dziaciej. Jaje apanient, daśviedčany, ale nie charyzmatyčny karjerny dypłamat ź vialikaj praktykaj pracy ŭ Bruseli, byŭ vyłučany ad sacyjał-demakratyčnaj pa ekanamičnaj pazicyi, ale kansiervatyŭnaj u płanie tradycyj partyi «Šlach».
Čaputova zrabiła sabie imia jak udzielnica kampanij u abaronu navakolnaha asiarodździa.
Kamientary