Ranicaj 2 krasavika kala parłamienta, dzie pačałasia viasnovaja siesija, sabralisia aktyvistki ruchu «Maci-328». Žančyny damahajucca, kab byŭ razhledžany zakonaprajekt ab uniasieńni źmianieńniaŭ u narkatyčny 328-y artykuł (pa častkach 2 i 3 prapanujecca źnizić nižni paroh pakarańnia na 2 hady), piša Jeŭraradyjo.
Raniej jon byŭ adpraŭleny na ŭzhadnieńnie ŭ MUS i Viarchoŭny Sud. Udzielniki ruchu spadziajucca atrymać tłumačeńni ad staršyni Pałaty pradstaŭnikoŭ Uładzimira Andrejčanki. Nahadajem, naprykancy vosieńskaj siesii parłamienta deputaty vyrašyli adkłaści razhlad papravak u 328-y artykuł da ciapierašniaj siesii.
Voś što raspaviała Jeŭraradyjo udzielnica ruchu Lijana Šuba: «U Pałatu pradstaŭnikoŭ zakonaprajekt pastupić na momant razhladu ŭ druhim čytańni zakona ab dopinhu. Siońnia jany buduć razhladać zakon ab dopinhu ŭ pieršym čytańni. Płanujecca da kanca siesii razhledzieć u druhim čytańni razam z papraŭkami ŭ 328-y artykuł. Heta aznačaje, što ŭ ramkach hetaj siesii Saviet Respubliki nie paśpieje zaćvierdzić hetyja papraŭki ŭ 328-y artykuł. I adpaviedna jany nie pastupiać na podpis da prezidenta. I znoŭ na paŭhoda budzie adkładziena pryniaćcio hetaha zakona. My chočam paskoryć hety praces i daviedacca, chto kankretna adkazny za ŭniasieńnie ŭ Pałatu pradstaŭnikoŭ na razhlad papravak u 328-y artykuł. Bo jość zaściaroha, što znoŭ heta ŭsio štučna zaciahvajecca».
Ciapier čytajuć
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»27
Kamientary