Za 2019 hod u Biełarusi zarehistravana 45 łabaratorna paćvierdžanych vypadkaŭ adru, ź ich 24 vypadki — heta zaviezienyja, astatnija — źviazanyja z zaviezienymi, paviedamlaje Ministerstva achovy zdaroŭja.
Pavodle SAAZ, u jeŭrapiejskich krainach praciahvajecca ŭspyška adru, jakaja pačałasia ŭ 2016 hodzie: na terytoryi krain ES u 2018 hodzie zarehistravana bolš za 20 tysiač vypadkaŭ zachvorvańniaŭ na adzior, u tym liku 35 śmiarotnych.
Adnak najbolš bujnaja ŭspyška nazirajecca ŭ susiedniaj Ukrainie, dzie ŭ 2018 hodzie na adzior zachvareli bolš za 54 tysiačy čałaviek, u tym liku było 16 śmiarotnych vypadkaŭ. Za pačatak 2019 hoda zarehistravana bolš za 2 000 vypadkaŭ, u tym liku 1 śmiarotny. Najbolš aktyŭna vypadki zachvorvańnia rehistrujucca ŭ Lvoŭskaj, Zakarpackaj, Ivana-Frankoŭskaj, Adeskaj abłaściach i Kijevie.
Śpiecyjalisty nahadvajuć:
- kali Vy nie viedajecie pra svaje pryščepki ad adru i płanujecie pajezdki za miežy Biełarusi, metazhodna ŭdakładnić pryščepačny status i, pry nieabchodnaści, zrabić pryščepku;
- u vypadku viartańnia z pajezdki za miažu i źjaŭleńnia simptomaŭ infiekcyjnaha zachvorvańnia (pavyšeńnie tempieratury cieła, syp, boli ŭ horle, kašal, kanjuktyvit (zapaleńnie ślizistaj abałonki vačej), varta nieadkładna źviartacca da lekara i akcentavać jaho ŭvahu na niadaŭniaje viartańnie z zamiežnych krain.
Kamientary