За 2019 год у Беларусі зарэгістравана 45 лабараторна пацверджаных выпадкаў адру, з іх 24 выпадкі — гэта завезеныя, астатнія — звязаныя з завезенымі, паведамляе Міністэрства аховы здароўя.
Паводле СААЗ, у еўрапейскіх краінах працягваецца ўспышка адру, якая пачалася ў 2016 годзе: на тэрыторыі краін ЕС у 2018 годзе зарэгістравана больш за 20 тысяч выпадкаў захворванняў на адзёр, у тым ліку 35 смяротных.
Аднак найбольш буйная ўспышка назіраецца ў суседняй Украіне, дзе ў 2018 годзе на адзёр захварэлі больш за 54 тысячы чалавек, у тым ліку было 16 смяротных выпадкаў. За пачатак 2019 года зарэгістравана больш за 2 000 выпадкаў, у тым ліку 1 смяротны. Найбольш актыўна выпадкі захворвання рэгіструюцца ў Львоўскай, Закарпацкай, Івана-Франкоўскай, Адэскай абласцях і Кіеве.
Спецыялісты нагадваюць:
- калі Вы не ведаеце пра свае прышчэпкі ад адру і плануеце паездкі за межы Беларусі, мэтазгодна ўдакладніць прышчэпачны статус і, пры неабходнасці, зрабіць прышчэпку;
- у выпадку вяртання з паездкі за мяжу і з'яўлення сімптомаў інфекцыйнага захворвання (павышэнне тэмпературы цела, сып, болі ў горле, кашаль, кан'юктывіт (запаленне слізістай абалонкі вачэй), варта неадкладна звяртацца да лекара і акцэнтаваць яго ўвагу на нядаўняе вяртанне з замежных краін.
-
27‑гадовая беларуска без дзяцей ідзе на стэрылізацыю — і вось чаму ёй можна
-
У Мінску медыкі зрабілі ўнікальную аперацыю: пацыенту перасадзілі яго ўласную костку разам з сасудамі
-
«У нас мізэрная колькасць тых, хто бярэ свабодныя дыпломы». Чыноўніца Мінздароўя пракаментавала адмену платнага навучання ў медыцынскіх ВНУ
Каментары