Alaksandr Łukašenka harantuje niezaležnaść pravasudździa ŭ krainie. Adpaviednyja zajavy jon zrabiŭ siońnia na naradzie pa pytańniach udaskanaleńnia dziejnaści sudoŭ ahulnaj jurysdykcyi, piša BiełTA.
Kiraŭnik dziaržavy adznačyŭ, što časta kažuć: sudovaja halina ŭłady pavinna być niezaležnaj. U suviazi z hetym Alaksandr Łukašenka vykazaŭ upeŭnienaść, što, u tym liku zychodziačy z paraŭnalnaha analizu z sudovymi sistemami zamiežnych krain, sudovaja ŭłada Biełarusi źjaŭlajecca niezaležnaj i abaronienaj. Adnak jon nie vyklučaje, što mohuć być fakty kruhavoj paruki, asabliva na miescach, u čym jość vina i samich sudździaŭ.
«Tut, naviersie, heta praktyčna niemahčyma, — padkreśliŭ biełaruski kiraŭnik. — Ja ćviorda adnošusia, kali mnie pastupaje infarmacyja, što chtości z načalnikaŭ źniaŭ słuchaŭku i patelefanavaŭ sudździ: «Nu vy tam pahladzicie …» Heta apošni dzień jaho pracy. Kali ja hetaha nie ŭbačyŭ, a vam patelefanavali i vy pramaŭčali, heta vašy prablemy. Kaliści heta vylezie. Nie byvaje, što hetaja tajamnica zastaniecca za siamju piačatkami».
«Kali niechta vam pieraškadžaje adpraŭlać pravasudździe, sumlenna, spraviadliva, pa zakonie prymać rašeńnie, — adzin tolki zvanok. I vy viedajecie, kamu patelefanavać, akramia mianie. Litaralna praz hadzinu-dźvie ja budu pra heta viedać. Tamu hladzicie sami. Ja bo razumieju, što vy žyviacie ŭ realnym žyćci. i chtości ŭpłyvać sprabuje, chtości cisnuć i tak dalej. U vas taki los, vy — sudździ. Tamu reahujcie hodna. Jak reahavać, ja jak kiraŭnik dziaržavy vam prapanuju. Prynamsi znajdzicie mahčymaść prainfarmavać pra niedachopy. Ja zaŭsiody ŭstanu na vašu abaronu», — zajaviŭ Alaksandr Łukašenka.
Kamientary