«Akademkniha» zaprašaje ŭsich achvotnych pravieści vychodnyja na fiestyvali «Horad i knihi». Heta fiestyval, jaki abjadnoŭvaje ŭsich knižnikaŭ horada.
Usich, chto niešta robić na litaraturnuju temu: kłuby i hurtki, sustrečy, chatnija teatry sa śpiektaklami na knižnuju temu, niezvyčajnyja litaraturnyja hulni, litaraturnyja ekskursii pa horadzie, paetyčnyja viečaryny, cikavyja akcyi ŭ vydaviectvach i kramach, unikalnyja biblijatečnyja pasłuhi…
Bo ŭ našym horadzie adbyvajecca vielmi šmat cikavych padziej! Kožny dzień, u biblijatekach i antykaviarniach, u kramkach i kaviarniach, u kłubach i navat prosta na vulicy. Jaki jon — knižny Minsk? Chto robić naš horad knižnym?
Usie zacikaŭlenyja ŭ raźvićci knižnaj kultury ŭ horadzie, pryciahnieńni da čytańnia, vydańni i papularyzacyi jakasnaj litaratury, raspaŭsiudzie jaje praź biblijateki i kramy, chto piša sam abo viedaje taho, chto vydatna piša, chto robić niešta cikavaje ci tolki choča rabić - dałučajciesia!
Jak i letaś, projdzie litaraturny konkurs «10 + 10». Hetym razam jon budzie pryśviečany vieršam i ilustracyi.
U miežach premii «Lichtar» pa prykładzie mnohich litaraturnych fiestyvalaŭ «Horad i Knihi» praciahnie nazyvać najlepšyja dziciačyja i padletkavyja knihi hoda.
Stend «Zvyčajnyja knihi pra niezvyčajnych dziaciej» stanie prajektam, i ŭžo zaprašaje da dyjałohu ŭsich, chto nie baicca składanych tem.
Startujuć dva novyja prajekty: «LitAfiša» i «ČytałQ & A».
U miežach pieršaha my źbirajem usie litaraturnyja mierapryjemstvy horada, a ŭ miežach druhoha prapanujem školnikam sustrečy ź piśmieńnikami, jakija, my peŭnyja, stanuć kłasikami.
Fiestyval projdzie 19-20 krasavika ŭ Navukovaj biblijatecy BNTU (vulica Jakuba Kołasa, 16). Prahrama — tut.
19 krasavika, piatnica: 14:00-21:00.
20 krasavika, subota: 11:00-20:00.
U miežach fiestyvalu na stendzie «Akademknihi» projduć aŭtohraf-siesii i sustrečy z aŭtarami: Ludmiła Rubleŭskaja, Michaił Vałodzin Hanna Sieviaryniec, Aleś Karlukievič, Hanna Jankuta, Anton Łamajeŭ, Arkadź Kuramšyn, Nadzieja Kandrusievič, Maryja Martysievič, Pavieł Hušyniec, Andrej Žvaleŭski, Jaŭhienija Pasternak, Pavieł Kaściukievič.
Kamientary