«Акадэмкніга» запрашае ўсіх ахвотных правесці выходныя на фестывалі «Горад і кнігі». Гэта фестываль, які аб'ядноўвае ўсіх кніжнікаў горада.
Усіх, хто нешта робіць на літаратурную тэму: клубы і гурткі, сустрэчы, хатнія тэатры са спектаклямі на кніжную тэму, незвычайныя літаратурныя гульні, літаратурныя экскурсіі па горадзе, паэтычныя вечарыны, цікавыя акцыі ў выдавецтвах і крамах, унікальныя бібліятэчныя паслугі…
Бо ў нашым горадзе адбываецца вельмі шмат цікавых падзей! Кожны дзень, у бібліятэках і антыкавярнях, у крамках і кавярнях, у клубах і нават проста на вуліцы. Які ён — кніжны Мінск? Хто робіць наш горад кніжным?
Усе зацікаўленыя ў развіцці кніжнай культуры ў горадзе, прыцягненні да чытання, выданні і папулярызацыі якаснай літаратуры, распаўсюдзе яе праз бібліятэкі і крамы, хто піша сам або ведае таго, хто выдатна піша, хто робіць нешта цікавае ці толькі хоча рабіць - далучайцеся!
Як і летась, пройдзе літаратурны конкурс «10 + 10». Гэтым разам ён будзе прысвечаны вершам і ілюстрацыі.
У межах прэміі «Ліхтар» па прыкладзе многіх літаратурных фестываляў «Горад і Кнігі» працягне называць найлепшыя дзіцячыя і падлеткавыя кнігі года.
Стэнд «Звычайныя кнігі пра незвычайных дзяцей» стане праектам, і ўжо запрашае да дыялогу ўсіх, хто не баіцца складаных тэм.
Стартуюць два новыя праекты: «ЛітАфіша» і «ЧыталQ & A».
У межах першага мы збіраем усе літаратурныя мерапрыемствы горада, а ў межах другога прапануем школьнікам сустрэчы з пісьменнікамі, якія, мы пэўныя, стануць класікамі.
Фестываль пройдзе 19-20 красавіка ў Навуковай бібліятэцы БНТУ (вуліца Якуба Коласа, 16). Праграма — тут.
19 красавіка, пятніца: 14:00-21:00.
20 красавіка, субота: 11:00-20:00.
У межах фестывалю на стэндзе «Акадэмкнігі» пройдуць аўтограф-сесіі і сустрэчы з аўтарамі: Людміла Рублеўская, Міхаіл Валодзін Ганна Севярынец, Алесь Карлюкевіч, Ганна Янкута, Антон Ламаеў, Аркадзь Курамшын, Надзея Кандрусевіч, Марыя Мартысевіч, Павел Гушынец, Андрэй Жвалеўскі, Яўгенія Пастэрнак, Павел Касцюкевіч.
Цяпер чытаюць
«Я не прадугледзела толькі аднаго: што менавіта гэты кружочак выкарыстаюць супраць мяне». Споведзь Аліны Харысавай пасля скандалу з КДБ58
Каментары