Prablemy pastavak ź Biełarusi ŭ Rasiju jabłykaŭ i hruš moža być zakranuta padčas sustreč kiraŭnikoŭ ahrarnych viedamstvaŭ Rasii i Biełarusi ŭ paniadziełak u Maskvie, paviedamiŭ «Interfaksu» krynica, znajomaja z padrychtoŭkaj mierapryjemstva.
U Minsielhasa RF hetuju infarmacyju paćvierdzili. «Tak, sustreča zapłanavana», - skazali ŭ pres-słužbie viedamstva. — U paniadziełak u Maskvu prybyvaje novy kiraŭnik Minsielhascharča Biełarusi Anatol Chaćko dla sustrečy ź ministram sielskaj haspadarki RF Dźmitryjem Patrušavym».
«U značnaj stupieni sustreča budzie nasić aznajamlenčy charaktar, ale prablema pastavak jabłykaŭ i hruš moža być zakranuta», - skazali ŭ pres-słužbie.
Raśsielhasnahlad z 12 krasavika zabaraniŭ uvoz jabłykaŭ i hruš ź Biełarusi, pakolki nie vyklučaje, što pad vyhladam biełaruskaj pradukcyi ŭ RF moža pastaŭlacca pradukcyja z sankcyjnych krain.
Rašeńnie Raśsielhasnahladu vyklikała emacyjnuju reakcyju Alaksandra Łukašenki. Pryniatuju mieru jon nazvaŭ sankcyjami i «vykručvańniem ruk» i zajaviŭ pra mahčymaść pačatku ramontu naftapravoda «Družba» ŭ suviazi ź dziejańniami Rasii.
Raśsielhasnahlad taksama paviedamlaŭ, što mahčyma ŭviadzieńnie abmiežavańniaŭ na ŭvoz kłubnicaŭ, piekinskaj kapusty i šampińjonaŭ.
Ciapier čytajuć
Što Babaryka i Kaleśnikava adkazali na pytańni pra vajnu88
Kamientary