Piensijanier z Oršy «adpomściŭ» infakijosku za toje, što nie zmoh źniać hrošy, paviedamiŭ BiełTA aficyjny pradstaŭnik UUS Viciebskaha abłvykankama Vital Sapronienka.
72-hadovy aršaniec ŭ pamiaškańni banka pasprabavaŭ źniać u infakijosku hrošy. Apieracyja nie atrymałasia pa niezaležnych ad aŭtamata pryčynach. Adnak mužčyna ŭsio ž vyrašyŭ raspravicca z upartaj technikaj. Uziaŭ 1,5-litrovuju butelku vady i zaliŭ manitor, kłavijaturu i kupiurapryjomnik. Starajučysia nie pryciahvać uvahi, u momant znachodžańnia inšych naviedvalnikaŭ piensijanier adychodziŭ ad aparata, a potym viartaŭsia. Praź niekatory čas infakijosk pierastaŭ pracavać.
Administratar adździaleńnia pry prahladzie kamier videanazirańnia źviarnuła ŭvahu na padazronyja manipulacyi adnaho z naviedvalnikaŭ. Mužčynu zatrymali. Piensijanier kateharyčna admaŭlaŭ svaju vinu, adnak prakałoŭsia na techničnym pytańni, śćviardžajučy, što hrošy ŭsio-tki źniaŭ.
Za naŭmysnaje źniščeńnie majomaści zaviedziena kryminalnaja sprava pa č.1 art.218, maksimalnaja miera pakarańnia da dvuch hadoŭ abmiežavańnia voli. Pryčynienaja škoda aceńvajecca ŭ sumu 1300 rubloŭ.
Ciapier čytajuć
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»32
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary