Piłot Čeśli Salenbierh pasadziŭ samalot prosta na race Hudzon miž niebasiahaŭ Ńju‑Jorka, paśla taho jak u ruchavik aerobusa trapili ptuški.
Aerobus A‑320 rabiŭ rejs ź ńju‑iorskaha aeraporta Ła Huardyja ŭ Šarłot (štat Paŭnočnaja Karalina), jak praz chvilinu paśla vyletu ŭ ruchavik trapili ptuški, i ekipaž ažyćciaviŭ ekstrannuju pasadku na vadu.
Bolšaść pasažyraŭ byli vyratavanyja z kryłaŭ samalota, niekatorych vyciahnuli z vady vyratavalniki.
Mer Ńju‑Jorka Majkł Błumbierh vykazaŭ svajo zachapleńnie kamandziru ekipažu Čeśli Salenbierhieru za «majsterskuju pasadku». Hubiernatar štatu nazvaŭ padzieju «hudzonskim cudam».
***
Pavodle słovaŭ karespandenta Bi‑Bi‑Si ŭ Ńju‑Jorku Hreha Vuda, ekipaž nasamreč praduchiliŭ katastrofu.
Pasažyrski łajnier ździejśniŭ pasadku na vadu, praktyčna pasiarod chmaračosaŭ Manchetena, ale nichto nie zahinuŭ.
U adnaho z paciarpiełych złamanyja dźvie nahi, jašče 78 čałaviek ź niaznačnymi ranieńniami atrymali dapamohu.
***
Jak paviedamili ŭ avijakampanii US Airlines, jakoj naležyć samalot, rejs 1549 vylecieŭ ź Ńju‑Jorka ŭ Šarłot (Paŭnočnaja Karalina u 15:03 u čaćvier pavodle miascovaha času.
Mienš čym praz chvilinu paśla uźlotu, piłot paviedamiŭ pra «dvajnoje sutyknieńnie z ptuškami» i paprasiŭ dazvoł na ekstrannuju pasadku, ale jašče praz paru chvilin sieŭ pasiarod raki Hudzon.
Ciaham nastupnych chvilin da miesca avaryi stali padychodzić ratavalniki na łodkach, na jakich zmahli vyratavać pasažyraŭ, što vyjšli na kryły samalota ŭ vyratavalnych kamizelkach. Ciačeńnie ŭ vuści Hudzona vielmi mocnaje, a tempieratura pavietra składadała ‑7°S.
«My doŭha razmaŭlali ź piłotam. Paśla taho, jak pasažyry vyjšli, jon dvojčy prajšoŭsia pa sałonie, kab upeŭnicca, što nichto nie zastaŭsia ŭnutry», ‑‑ zaznačyŭ mer Ńju‑Jorka Majkł Błumbierh.
Stefani Načmen, jakaja pracuje na Manchetenie ŭ adnym ź niebasiahaŭ na Tajms‑skver, raspaviała, što bačyła pasadku samalota. «Jana nie była niejkaj chaatyčnaj ci varjackaj — usio vyhladała tak, nibyta samalot pryziamliŭsia na ŭźlotnuju pałasu».
Piłot aerobusa, što paśpiachova pryvadniŭsia na Hudzon, Čeśli Salenbierh. Treci vypusknik Akademii VPS zŠA z sarakahadovym stažam. Ułady Ńju‑Jorka ŭžo nazvali jaho hierojem.
Ciapier čytajuć
Cciapan Łatypaŭ treci raz sprabavaŭ ździejśnić suicyd u turmie1
Cciapan Łatypaŭ treci raz sprabavaŭ ździejśnić suicyd u turmie
Časam niečakanaja historyja biełaruskich himnaŭ: «My vyjdziem ščylnymi radami», «Pahonia», «Žyvie Biełaruś», «Radzima maja darahaja», «Mahutny Boža» (ź VIDEA)1313
Kamientary