U Maskvie startavaŭ rozyhryš futbolnaha 17-ha Kubku čempijonaŭ Sadružnaści krain SND i dziaržaŭ Bałtyi. Biełaruski pradstaŭnik - MTZ-RIPA - pravioŭ pieršy matč.
U Maskvie startavaŭ rozyhryš futbolnaha 17-ha Kubku čempijonaŭ Sadružnaści krain SND i dziaržaŭ Bałtyi.
Biełaruś tut pradstaŭlaje minski MTZ-RIPA – BATE i minskaje «Dynama» admovilisia ŭdziełu.
U pieršym matčy padapiečnyja Jurja Puntusa hulali z čempijonam Litvy «Ekranasam» z Paniaviežysa i prajhrali – 0:2.
Zaŭtra MTZ-RIPA zhulaje z čempijonam Turkmienistana «Ašhabatam» (pačatak a 16-j), u aŭtorak – matč z maładziožnaj zbornaj Rasii, ale jana vystupaje na Kubku pa-za konkursam, i tamu turnirnaha značeńnia taja hulnia na maje.
Siońnia rasijskaja maładziožka, naprykład, zhulała ŭničyju z «Ašhabatam» -- 0:0.
***
Kubak čempijonaŭ Sadružnaści pravodzicca ŭ 17-y raz (upieršyniu byŭ razyhrany ŭ 1993 h.)
Ad byłoj uvahi da jaho – u 1990-yja KČS byŭ sapraŭdnym vyprabavańniem dla najlepšych postsavieckich kamandaŭ, dvuboju rasijskaha i ŭkrainskaha čempijonaŭ – nie zastałosia i śledu.
Ciapier top-kamandy abo adpraŭlajuć druhija składy, a niekatoryja čempijony svaich krain sastupajuć miesca inšym kamandam.
Tak, zamiest BATE pryjechaŭ bronzavy pryzior našaha pieršynstva MTZ-RIPA, Uźbiekistan pradstaŭlaje siarebrany pryzior «Pachtakor», Armieniju – bronzavy «Ararat» (ale tam krychu inšyja, «azierbajdžanskija» pryčyny).
Čempijon Rasii kazanski «Rubin» prysłaŭ rezier, razbaŭleny hulcami asnoŭnaha składu, daniecki «Šachcior» – naohuł treci skład. Z palityčnych pryčyn admoviŭsia ŭdzielničać u turniry čempijon Hruzii.
Udzieł u turniry biaruć 16 kłubaŭ, padzielenyja na čatyry hrupy:
Hrupa «A»: «Rubin» (Rasija), «Ararat» (Armienija), Aktabe (Kazachstan), «Pachtakor» (Uźbiekistan);
hrupa «V»: Ašhabat (Turkmienistan), MTZ-RIPA (Biełaruś), «Ekranas» (Litva), maładziožnaja zbornaja Rasii;
hrupa «S»: «Šachcior» (Ukrajina), «Šeryf» (Ciraspal, Małdova), «Levadzija» (Estonija), «Rehar-TadAZ) (Tadžykistan);
hrupa «D»: «Inter» (Baku, Azierbajdžan), «Inter» (Turku, Finlandyja), «Vientśpiłs» (Łatvija), «Dardoj-Dynama» (Kyrhyzstan).
Darečy, małdoŭska-prydniastroŭski «Šeryf» treniruje biełaruski śpiecyjalist Leanid Kučuk.
Kamandy pravodziać u hrupach adnahrupavy turnir, pa dźvie macniejšyja vychodziać u čverćfinały, jakija projduć u sieradu. Paŭfinały – u piatnicu, finał – u nastupnuju subotu.
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski2121
Kamientary