U Breście paśla maštabnaj restaŭracyi adkryli abnoŭleny park Miru. U im źjavilisia spartyŭny kompleks z trenažorami, novyja skulptury i navat placoŭka dla francuzskaj hulni pietank.
Restaŭracyja parku prachodziła na praciahu hoda. Jana prymierkavana da 1000-hodździa Bresta. Dyzajnam parku zajmaŭsia «Savuškaŭ pradukt», jaki vyrašyŭ źmianić miesca da znakavaj hadaviny.
Dziciačy haradok «Płanieta SupierKid» značna pašyryli: ciapier jon składajecca ź dźviuch placovak, uvachod na jakija paznačany śvietłavoj arkaj. Dziciačy kompleks papoŭnili kačałki-bałansiry ŭ formie matacykła, koniki i dynazaŭry, baskietbolnaje kalco i himnastyčnaja sietka Piramida — pa joj mohuć łazić dzieci ad 5 hadoŭ.
Małočny vytvorca taksama arhanizavaŭ workout-placoŭku pad adkrytym niebam. Dla dziaciej pastavili try trenažory, dla darosłych — adrazu dziesiać. Paśla aktyŭnaj treniroŭki naviedvalniki mohuć zrabić «spartovaje» sełfi ŭ aktyŭnaj fotazonie.
U parku źjaviłasia placoŭka dla zaniatkaŭ pietankam. Hetaja pravanskaja hulnia, padobnaja da kiorlinhu i vielmi papularnaja ŭ Francyi, Anhlii i Ispanii.
La ŭvachoda ŭ park naviedvalniki zmohuć aznajomicca sa schiemaj raźmiaščeńnia abjektaŭ u parku. Centralnaja kampazicyja — bujnaja skulptura ziamnoha šara — uvasablaje nazvu parku.
Dla zručnaści haściej parku ŭstalavali 30 łavak i arhanizavali dźvie viełaparkoŭki. A taksama pastavili bijaprybiralni i navies ad daždžu. Park papoŭniŭsia 69 drevami, bolš čym 2300 chmyźniakami i 36 doŭhakvitniejučymi šmatletnikami.
Były pamočnik Łukašenki Ihar Bryło pryznaŭ, što nabraŭ chabaraŭ na $2 miljony10
Kamientary