У Брэсце пасля маштабнай рэстаўрацыі адкрылі абноўлены парк Міру. У ім з'явіліся спартыўны комплекс з трэнажорамі, новыя скульптуры і нават пляцоўка для французскай гульні петанк.
Рэстаўрацыя парку праходзіла на працягу года. Яна прымеркавана да 1000-годдзя Брэста. Дызайнам парку займаўся «Савушкаў прадукт», які вырашыў змяніць месца да знакавай гадавіны.
Дзіцячы гарадок «Планета СуперКід» значна пашырылі: цяпер ён складаецца з дзвюх пляцовак, уваход на якія пазначаны светлавой аркай. Дзіцячы комплекс папоўнілі качалкі-балансіры ў форме матацыкла, конікі і дыназаўры, баскетбольнае кальцо і гімнастычная сетка Піраміда — па ёй могуць лазіць дзеці ад 5 гадоў.
Малочны вытворца таксама арганізаваў workout-пляцоўку пад адкрытым небам. Для дзяцей паставілі тры трэнажоры, для дарослых — адразу дзесяць. Пасля актыўнай трэніроўкі наведвальнікі могуць зрабіць «спартовае» сэлфі ў актыўнай фотазоне.
У парку з'явілася пляцоўка для заняткаў петанкам. Гэтая праванская гульня, падобная да кёрлінгу і вельмі папулярная ў Францыі, Англіі і Іспаніі.
Ля ўвахода ў парк наведвальнікі змогуць азнаёміцца са схемай размяшчэння аб'ектаў у парку. Цэнтральная кампазіцыя — буйная скульптура зямнога шара — увасабляе назву парку.
Для зручнасці гасцей парку ўсталявалі 30 лавак і арганізавалі дзве велапаркоўкі. А таксама паставілі біяпрыбіральні і навес ад дажджу. Парк папоўніўся 69 дрэвамі, больш чым 2300 хмызнякамі і 36 доўгаквітнеючымі шматлетнікамі.
Цяпер чытаюць
У сацсетках Хлястова апублікавалася відэа, запісанае на выпадак яго затрымання. Сам спявак на Акрэсціна24
У сацсетках Хлястова апублікавалася відэа, запісанае на выпадак яго затрымання. Сам спявак на Акрэсціна
Каля Сафіі ў Полацку паставілі помнік лётчыкам Нічыпарчыку і Куканенку. Але нават не самалёт той мадэлі, на якой яны загінулі, а аэраплан сталінскага часу1717
Каментары