Huawei adkazała pra «zžyrańnie» trafiku. Što rabić abanientam?
Niekalki dzion tamu karystalniki niekatorych kitajskich smartfonaŭ, naprykład, Huawei i Lenovo, pačali masava skardzicca na pieraraschod trafiku na svaich pryładach. Z-za hetaha na asabovych rachunkach abanientaŭ utvarylisia surjoznyja zapazyčanaści. Siońnia kampanija Huawei dała 42.tut.by aficyjny kamientar ab pryčynach situacyi. U velcom | A1 taksama patłumačyli, što rabić paciarpiełym abanientam.
Pres-słužba kampanii Huawei zajaviła:
— Hruntujučysia na zvarotnaj suviazi ad našych spažyŭcoŭ i pastaŭščykoŭ pasłuh mabilnaj suviazi, my vyjavili, što madeli smartfonaŭ Huawei Y6 Pro, Huawei GR3 i niekalkich inšych aparataŭ ad inšych vytvorcaŭ z apieracyjnaj sistemaj Android 5.1 sutyknulisia z adnoj i toj ža prablemaj.
Apošnija try hady dźvie vyšejzhadanyja madeli pracavali dobra, i za apošnija try miesiacy abnaŭleńniaŭ prahramnaha zabieśpiačeńnia dla hetych pryładaŭ nie vychodziła.
Siońnia my aktyŭna supracoŭničajem z apieratarami i inšymi partniorami, kab vyznačyć korań prablemy i adpravić adpaviednuju spravazdaču ŭ Google dla sumiesnaha pošuku rašeńnia prablemy. U toj ža čas my supracoŭničajem z apieratarami ŭ vyrašeńni pytańniaŭ, jakija ŭźnikajuć u spažyŭcoŭ.
Što rabić paciarpiełym abanientam?
Voś što raspaviali ŭ velcom | A1:
— velcom | A1 z razumieńniem stavicca da situacyi, ź jakoj sutyknulisia niekatoryja abanienty kampanii ŭ suviazi sa źmianieńniem sistemnaha prahramnaha zabieśpiačeńnia smartfonaŭ na apieracyjnaj sistemie Google Android 5.1 peŭnych vytvorcaŭ: rezkim rostam vychodnaha trafiku z boku apieracyjnaj sistemy Android i, jak vynik, naličeńniami za vykarystańnie trafiku zvyš uklučanaha ŭ taryfny płan.
Kłapociačysia pra svaich klijentaŭ, a taksama z pryčyny adsutnaści ŭpłyvu na situacyju karystalnikaŭ pryład, velcom | A1 pryjšoŭ da pahadnieńnia z kampanijami-vytvorcami ab kampiensacyi paciarpiełym abanientam srodkaŭ na ŭvieś trafik, zatračany na źmieny sistemnaha prahramnaha zabieśpiačeńnia.
Harantam vykanańnia abaviazacielstvaŭ pa kampiensacyi srodkaŭ vystupić velcom | A1. Tak, abanientam, jakija sutyknulisia z hetaj prablemaj, buduć praviedzieny karekciroŭki naličeńniaŭ z ulikam abjomu trafiku, vykarystanaha na praciahu jaho aktyŭnaha raschodu. Karekciroŭki buduć zrobleny pa vynikach biahučaha miesiaca, a ich pamier budzie zaležać ad charaktaru spažytaha trafiku. Pry hetym abanientam z admoŭnym rachunkam na bałansie akazańnie pasłuh suviazi da momantu praviadzieńnia karekcirovak błakavacca nie budzie.
«Pra jaki sajuz možna havaryć?» Łukašenka ŭ Astanie raskrytykavaŭ Rasiju za naviazvańnie utylzboraŭ15
Kamientary