Zajezd na mohiłki ŭ Vilejcy zrabili płatnym — 51 rubiel dla pradprymalnikaŭ
Ciapier, kab prosta naviedać mahiły svajakoŭ, daviadziecca zapłacić 2 rubli 55 kapiejek, a kali vy IP i źbirajeciesia stavić pomnik, zajezd na mohiłki budzie kaštavać ažno 51 rubiel.
Hetaje rašeńnie Vilejski rajvykankam pryniaŭ 28 červienia. Paru dzion tamu adpaviednaja abviestka źjaviłasia na ŭjeździe na mohiłki. Kab trapić na terytoryju mohiłak, spačatku treba zapłacić.
Bolš za ŭsio novaŭviadzieńniu aburylisia arhanizacyi, jakija zajmajucca ŭstanoŭkaj pomnikaŭ. Mnohija admaŭlajucca ad pracy. Kažuć, što niezrazumieła, jak daviadziecca płacić: ci to adzin raz, ci to kožny raz, kali zajazdžaješ na mohiłki.
«Kali stavim pomnik, my ž možam i pa čatyry razy tudy-siudy jeździć», — aburajucca pradprymalniki.
«My spadziajomsia, što narod aburycca, i hetaje rašeńnie admieniać. Ci chacia b zrobiać adekvatnuju canu. Našy ŭstanoŭščyki jašče nie vyjazdžali pracavać, tamu nie viedajem dakładna, što da čaho. Ale kali cana zastaniecca takoj, napeŭna, budziem pavyšać ceny i my», — adkazali ŭ adnoj ź vilejskich firm.
Namieśnik staršyni Vilejskaha vykankama pa budaŭnictvie i žyllova-kamunalnaj haspadarcy Alaksandr Katovič znachodzicca ŭ kamandziroŭcy. Akramia jaho, nichto nie hatovy patłumačyć pryčyny takoha novaŭviadzieńnia.
Dla paraŭnańnia, zajezd hruzavoha transpartu na mohiłki ŭ Minsku kaštuje 4 rubli.
Ciapier čytajuć
U Varšavu pryjechała sotnia biełaruskich palitviaźniaŭ17
Kamientary